Qidiruv

ot Birovning oʻtmishi va kelajagi haqida goʻyo oldindan aytib berish; fol.

Rom ochmoq. Rom koʻrmoq. Romchining romidan oʻzingning xom xayoling yaxshi. — Maqol

Namozxon yildan-yilga kamayib, machit oʻz-oʻzidan yopilib qolgandan keyin maxsum baʼzan bitta-yarimtaga rom ochish bilan tiriklar xizmatini ham qilib yurar edi. — A. Qahhor, Qoʻshchinor chiroqlari

ot 1. mat. Hamma tomonlari teng boʻlgan yassi parallelogramm.

2. tar. Sobiq Shoʻro armiyasida 1943 yilgacha (pogon kiritilgunga qadar) oliy qoʻmondonlik tarkibi petlitsalarida shunday shakldagi daraja farqlash belgisi.

ot Hajmi ancha katta, xilma-xil qahramonlar, sertarmoq syujetga ega boʻlgan, odatda proza yoʻli bilan yoziladigan asar; adabiy janr turi.

Tarixiy roman. Sheʼriy roman.

Kichkinagina bir hikoya shunchalik azob bilan yozilsa, eng kamida qirq-ellik hikoyaga teng keladigan roman qandoq yozilar ekan? — U. Normatov, Talant tarbiyasi

Romandagi ayollar obrazi ham alohida eʼtiborga molik. — S. Karomatov, Oltin qum

Sharq xalqlarida roman janrining tugʻilishi va kamolotida muayyan mushtaraklik mavjud. — Gazetadan

sft. Romga solingan, romi bor.

ot 1. Ayollar boshiga oʻraydigan, odatda, toʻrtburchak shakldagi mato.

Doka roʻmol. Shohi roʻmol. Er-xotinning urishi, doka roʻmolning qurishi. — Maqol

Xotin boshidagi jun roʻmolini oldida, bir-ikki qoqib, yana oʻradi. — M. Ismoiliy, Fargʻona tong otguncha

[Anvar:] Javob aytib ket, Raʼno! — Ha, shunday! — dedi Raʼno gul yonida roʻmolini toʻgʻrilab, — Endi sizning oldingizga chiqmayman. — A. Qodiriy, Mehrobdan chayon

2. Umuman, shunday mato, parcha.

Uning [Toshmatning] boshi doka bilan oʻralgan, chap qoʻli roʻmol bilan yelkasiga osib qoʻyilgan edi. — H. Gʻulom, Mashʼal

ot mus. Cholgʻu joʻrligida yakkaxon ashulachi ijrosiga moʻljallangan kichik musiqiy-sheʼriy lirik asar.

M. Burdonov romanslari.

Men 1936—1938 yillarda Mashrab soʻziga Tokay mani bechoraga bu dard-u alamdur romansimni yozgan edim. — Gazetadan