ot 1. Avloddan avlodga oʻtib kelayotgan, voqea va hodisalarni, inson faoliyatini baʼzan uydirmalar vositasida, baʼzan real tasvirlovchi ogʻzaki hikoya; naql, afsona.
Mavlono Lutfiy kabi keksa shoir hali goʻdak Navoiyning oʻzbek tilidagi bir bayti uchun oʻzining jamiki gʻazallaridan voz kechishga tayyor ekanini bildirgan ekan. Bu rivoyatga ne deysiz? — Oybek, Navoiy
Baʼzi rivoyatlarga qaraganda farishtalar, jannatdagi Kavsar suvidan qumgʻonlarimizga quyib ketar emish! — M. Muhammadjonov, Turmush urinishlari
Dengiz, koʻhna rivoyatlardan Bittasini soʻylab ber menga. — E. Vohidov, Nido
2. Umuman, ogʻizdagi gap, hikoya.
Rivoyat qilishlaricha, Dehlida shoh Akbar hukmronlik qilgan zamonda bir savdogar yashar ekan. — Gazetadan
Rivoyatlarga qaraganda, baʼzi bir issiq mamlakatlarning odamlari haroratdan darmonlari qurib kun kechirganlar. — Gazetadan
3. koʻchma din. Biror masala yuzasidan shariat qonunlari asosida chiqarilgan hukm, xulosa.
[Gʻofir qoziga:] Bu qanday zulm sevgan xotinimni zolim boy tortib olmoqchi boʻlsa-yu, menga yordam berish oʻrniga boyning yonini olasiz! Rivoyatlar topasiz! Fatvolar yasaysiz! — Hamza, Boy ila xizmatchi
Ulamolar Yodgor va unga ergashib kelgan xotinni tosh-boʻron qilish toʻgʻrisida rivoyat yozib, eshon Sultonga berdilar. — S. Ayniy, Dohunda