Қидирув

от 1. Ҳодисалар ва жараёнларга хос айрим элементларнинг муайян изчиллик, кетма-кетлик асосида такрорланиб, алмашиниб келиши ва шундай такрорийликнинг ўзи.

Кишининг руҳий ҳолати ва иш қобилияти муайян ритмга бўйсунишини одамлар аллақачон пайқашган. — Газетадан

Қаердаки ҳаёт мавжуд экан, ўша ерда ҳаётий жараёнларнинг мунтазам ритми, маромийлиги мавжуд. — Газетадан

2. Шеърият, мусиқа, рақс, тасвирий санъат, меъморлик ва бошқалар санъат турлари шаклларининг асосий жараёни, тартиби, қонун-қоидаси.

Музикада товуш билан ритм чамбарчас боғланган бўлади. — И. Акбаров, Музика саводи

Саҳнада икки аёл қўлларини ритмга мослаб, ҳинд рақси учун характерли бўлган мақомда ўйнамоқда. — Газетадан

Усуллар рақснинг ритмларидир. — Т. Обидов, Юсуфжон қизиқ

Бармоқ вазнида ритм мисрадаги бўғинларнинг сони, миқдорига, гуруҳланиб такрорланишига боғлиқдир. — Адабиёт назарияси

сфт. Ритмли, ритмга асосланган, бўйсундирилган; бир ўлчамдаги, бир вазндаги.

сфт. Маълум бир ритмга эга бўлган.

Ритмли мусиқа.

от 1. тар. Ўрта асрларда Ғарбий ва Марказий Европада ёшлигидан жасорат, мардлик, бурчга садоқат, аёлларга нисбатан олийжаноблик руҳида тарбияланган жанговар феодал.

Рицарлар салиб юришларининг асосий ҳарбий кучини ташкил этган. — Газетадан

2. кўчма Фидокор, олийҳиммат, олийжаноб киши.

от 1. Ритм ёки вазн системаси;

Шер ритмикаси.

2. Ритм тўғрисидаги таълимот.

3. Мусиқа жўрлигида ижро этиладиган ритмик ҳаракатлар.

Ритмика ўқитувчиси.

сфт. Нотиқлик санъатига оид; нотиқлик қоидаларига асосланган.

Риторик нутқ. Риторик услуб.