Қидирув

от 1. Урушда енгилган томоннинг ўч олиши, қаримта қайтариши ёки ўч олиш учун қилган ҳаракати.

Реванш олмоқ.

2. Спрт. Спорт ўйинларида: енгилган, ғолибликни қўлдан берган спортчининг ёки команданинг ғолиб устидан ғалаба қозониш ва ғолибликни қайтариб олиш мақсадида қайтадан ўтказадиган ўйини ва унинг ижобий натижаси.

Англиялик Люис катта боксга қайтадиган бўлса, Виталий сўзсиз у билан реванш жангни ўтказишга рози бўларкан. — Газетадан

Унда франсузлар 3:1 ҳисобида ғалаба қозониб, америкалик чарм тўп усталаридан ўзига хос реванш олишди. — Газетадан

от 1. эск. Муайян бир муассаса ёки мансабдор шахс фаолиятини текшириш (тафтиш қилиш)га ваколати бўлган шахс.

Ўзидан кўрсин, ревизор билан орани бузма, деб неча марта айтган-ман.

Ревизор киши топаман деса, ҳар қанақасидан ҳам ишкал топади. — С. Аҳмад, Сайланма

2. Темир ёʻл соҳаларида назоратчи ходим.

сфт. Ревизияга оид.

Ревизион комиссия.

от 1. Муайян корхона, ташкилот, муассаса ёки мансабдор шахснинг маълум бир даврдаги иш-фаолиятига доир ҳисоботларни текшириш, тафтиш қилиш; тафтиш.

Ревизия акти. Ревизия қилмоқ.

Магазинга тўсатдан ревизия келиб қолибди. — Х. Тўхтабоев, Ширин қовунлар мамлакати

2. сиёс. Бирор таълимот ёки назарияни ўзгартириш, унинг асосларини бузиш ниятида қайтадан кўриб чиқиш.

от Бир неча ўқ жойлашадиган айланувчи ўқдонли, шахсий ўқотар қурол.

Револвердан ўқ узмоқ.

от тиб. Юрак-томир системаси, бўғин ва пайларнинг кенг тарқаладиган яллиғланиши натижасида юзага келадиган оғир касаллик; бод.

Ревматизм оғриғи. Ревматизм билан оғримоқ.