Қидирув

сфт. 1. Бирор рангга эга бўлган ёки бўялган; рангли; ранг-баранг.

Рангдор қаламлар. Рангдор қоғоз.

Паркнинг рангдор маржон чироқлари ҳам сўнди ҳамма ёқ жимжит бўлиб қолди. — А. Мухтор, Чинор

Чамаси, касалхона яқинидаги бу бозорча ўзидан-ўзи пайдо бўлган, кейинчалик бир қатор раста қурилиб, устига рангдор пластмасса шифер ёпиб қўйилган эди. Ў. — Ҳошимов, Нур борки, соя бор

2. кўчма Бежамали, жилвали, тамтароқли, баландпарвоз (гап, сўз, услуб ва шу кабилар ҳақида).

Сайрамов болаликда, узун қиш кечалари чолнинг ўзига хос рангдор сўзи ва услубини диққат билан тингларди. — Ойбек, Олтин водийдан шабадалар

умрдош танлашда янглишма, қизларнинг ташқи қиёфасига, рангдор сўзларига уча кўрма, — деди меҳмон Мансурга. — Ё. Шукуров, Уч савол

от кўчма Жилвадорлик, сержилвалик, жозибалилик.

Саид Аҳмад асарларини ўқиган китобхон уларнинг тилидан ҳам бениҳоя чуқур эстетик завқ олади, ҳам тилимизнинг қудратига, рангдорлигига, бойлигига яна бир марта қойил бўлади. — ЎТА

Кўзнинг тўр пардаси идентификатор сифатида камдан кам ишлатилади. Рангдор парда идентификацияси тизимларида янглиш танишнинг такрорланиш даражаси 1,2 миллионга 1 нисбатида.

сфт. Баланд, ёʻғон, жарангли.

Жарангдор овоз.

Анна Ивановна ўзининг жарангдор товуши билан қаҳ-қаҳ уриб кулди. — Шуҳрат, Шинелли йиллар

Сизгадир юракнинг жарангдор куйи, Оқил Шарафиддин, машҳур отамиз. — А. Орипов