Qidiruv

sft. 1. Suyuq qismi, suvi nisbatan oz boʻlgan; quyulgan holatli.

Quyuq qorishma. Quyuq qiyom.

Qilich chopgan chekkadan Quyuq kon sirtga otar. — Gʻ, Gʻulom

2. Tarkibidagi asosiy modda nisbatan koʻp.

Quyuq choy. Quyuq sut. Quyuq qaymoq.

3. Toʻq; toʻqqa moyil (rang-tus haqida).

Begimxon gʻoʻzadan boshini koʻtarib, kuyuk oʻsmali qoshlarini chimirib, bobillab berdi. — I. Rahim, Chin muhabbat

Elmurodning yuziga quyuq qizillik yugurdi. — P. Tursun, Oʻqituvchi

Chaylaning tepasida Temirqoziq yulduzi quyuq koʻkka boʻyalgan chiroyli kapalakday qanot qoqardi. — S. Anorboyev, Oqsoy

4. Bir-biriga yaqin joylashgan; qalin, zich.

Quyuq qamishzor. Quyuq soya. Barglari Quyuq qayragʻoch. Quyuq qora qosh.

Maynaning kuyuk kipriklari ostidagi oʻtkir qora koʻzlari navkarni elitib qoʻygan edi. — Sh. Toshmatov, Erk qushi

Yuz qadamcha nariga sargʻaygan quyuq oʻt ustiga yotqizdi. — Oybek, Quyosh qoraymas

5. koʻchma Toʻkin-sochin, moʻl, serob.

Quyuq dasturxon. Quyuq ziyofat. Quyuq mehmon qilmoq.

[Afandi] Sovgʻani xonga manzur qilib, kuyuk inʼom olib, oʻrdadan chiqib ketdi. — Latifalar

Kampir kuyovini hamisha shundoq quyuq kutar ekanmi, ketidan dimlangan joʻja, osh keldi. — S. Nurov, Narvon

6. Koʻp miqdorda bir yerga toʻplanib, zichlashib, qalin qatlam hosil qilgan, zich, qalin holatli.

Quyuq tuman. Kuyuk tutun.

Uy ichini kuyuk qorongʻilik bosdi. Tashqarida shamol gʻuvullaydi. — Oybek, Tanlangan asarlar

Ular kechki quyoshning quyuq yogʻdusi ostida jimirlagan qishloqqa kirib kelishar edi. — P. Tursun, Oʻqituvchi

7. Mazmun, mohiyat jihatidan toʻla darajali (oʻzaro muomala, munosabatdagi xatti-harakat, holat haqida).

Quyuq suhbat. Quyuq salom-alik.

Dadamat aka Ahmadni eshikkacha kuzatib chiqdi. Quyuq xayrlashdi. — F. Musajonov, Himmat

Uydan kelgan xat-da ham kuyuk duoyi salom. Shuhrat, Shinelli yillar. Vaʼdani kuyuk qilib, baʼzi qassoblardan bir necha dinor qarzga ham ilindi. — Oybek, Navoiy

8. koʻchma Mazmun, diqqat-eʼtibor va shu kabilar jihatdan ahamiyatli boʻlgan.

U [Hoshimjon] keyingi soʻzga chiqqanlar, albatta, mening tarafimni oladi, deb oʻylagan edi. Yoʻq, gapning quyugʻi keyin chiqdi. — S. Ahmad, Qadrdon dalalar

A. Qahhor ortiqcha soʻz va iboralar ishlatmaslikka, asar tilini quyuq, maʼnoli qilishga intilgan. — OʻTA

ot 1. Quyuq va suyuq ovqatlar.

Mehmonlar uchun meva-cheva, quyuq-suyuq tortildi. — A. Qodiriy, Oʻtgan kunlar

2. koʻchma S. t. Bir xil boʻlmagan, har xil, turlicha.

U oʻtirganlar bilan, ularning amal va darajalariga qarab, quyuq-suyuq koʻrishib chiqdi. — S. Ahmad, Qadrdon dalalar

1. chang zarralari va tuman tomchilaridan iborat aralashma

2. atmosferaning koʻz ilgʻaydigan, aerozol qatlam, parda, tuman va boshqa koʻrinishdagi har qanday ifloslanishini ifodalaydigan atama.

n concentration

fl. 1. Quyuq tortmoq, quyuq yoki quyuqroq boʻlmoq, quyulmoq (

Mastava quyuqlashib ketibdi. Murabbo quyuqlashib qolibdi.

2. Tarkibidagi asosiy modda nisbatan koʻpaymoq (

Yaxshi yemlangan sigirlarning suti quyuqlashadi.

3. Toʻqqa moyillashmoq, toʻq yoki toʻqroq tus olmoq (

Barglarning rangi ancha quyuqlashdi.

Qorongʻilik quyuqlashib onda-sonda oʻtib turgan kishilar qorasi tun pardasiga chaplashib koʻrina boshlaganda, Yigitali oʻrnidan turdi. — D. Nuriy, Osmon ustuni

4. Qalin tortmoq, qalin yoki qalinroq boʻlmoq, qalinlashmoq, zichlashmoq (

Kunlar isigan sari koʻkatlar ham quyuqlashar, oʻsib ulgʻayib, chiroyiga chiroy qoʻshardi. — Sh. Rashidov, Boʻrondan kuchli

Poyezd yurishini tezlatgan sayin, oq badan qayinlar, azim qaragʻaylar quyuqlashib, yam-yashil qalin oʻrmonlar boshlandi. — H. Gʻulom, Senga intilaman

5. Koʻp miqdorda bir yerga toʻplanib, zichlashib qolmoq, qalinlashmoq.

Tuman quyuqlashdi. Tutun tobora quyuqlashib koʻtarilmoqda.

Ertalabdan beri kezgan bulutlar kechga tomon quyuqlashib, osmonni tekis qopladi. — H. Nuʼmon, Fasllar

6. koʻchma Toʻkin-sochin, moʻl yoki serob boʻlmoq (

Ziyofat quyuqlashdi.

7. Mazmun, mohiyat jihatdan toʻla darajali boʻlmoq (

Doʻstlik, ijodiy hamkorlik, tajriba almashish, adabiyot vositasi bilan qardoshlik munosabatlari quyuqlasha bordi. — N. Safarov, Olovli izlar

8. koʻchma Mazmun, eʼtibor, ahamiyati ortmoq, orta bormoq (

Xat ham eskirgan sari maʼnosi quyuqlashadi. — Oybek, Quyosh qoraymas

fl. Quyuqlashmoq feʼlining orttirma nisbati.