Қидирув

от 1. Ўрта асрларда қалин ва баланд мудофаа девори билан ўраб қурилган, асосан, бир дарвозали шаҳар-қалъа.

Ёв қўрғонини қамал қилиб, унинг қулочкаш баланд деворлари ёнига чодир ташлаган қўшин каби одамлар тоғ этагига тўлиб кетдилар. — М. Исмоилий, Фарғона тонг отгунча.

Ғиждувон қўрғонининг шарқи-шимол ва ғарб томонларидан чиқаётган ғулғулали товуш ҳавони титратмоқда эди. — С. Айний, Қуллар

2. Қалъа, шаҳар, қўрғон ва шу кабиларни мудофаа қилиш учун қурилган мустаҳкам девор.

У баланд қўрғон билан ўралган бўлиб, ичкарига тўртта темир дарвозадан кирилар эди. — М. Осим, Ибн Сино қиссаси

Азизбек ташаккурни битиргач, ҳудайчи қўрғон устидаги мудофеларга бор товушини қўйиб қичқирди: — Бек жаноблари бу кунги рустамона ғайратларингизга дуо қиладилар. — А. Қодирий, Ўтган кунлар

Ўчоқ бошида қумғон, Атрофим баланд қўрғон. Кўнгил берган ёримни Кўролмасдан бағрим қон. — С. Абдулла

3. Дала жойда ва умуман шаҳардан ташқарида атрофи девор билан ўралган ҳовли-жой ва унинг ичидаги бинолар (атрофи, одатда, боғ, экинзорлардан иборат бўлган).

Арслонбекнинг қўрғонини бу ёʻлга тушиб олган кўр ҳам топади. — Ҳ. Ғулом, Машъал

Шербек қишлоқнинг энг четидаги қўрғонни ҳам босиб ўтди. — С. Анорбоев, Оқсой

от 1. Қўргон 3 с. кичр.

Йигитлар Максимнинг қўл-оёғини боғлаб, икки яшик асбоб-ускуна билан олиб қочишди. Икки кун арчазордаги қўрғончада қамалиб ётди. — С. Аҳмад, Ҳукм

Қишлоқдаги пахса деворли қўрғончалар бой, бадавлат одамларники бўлиб, гуваладан қурилган пастак уйлар камбағал-қашшоқларнинг бошпаналари эди. — П. Турсун, Ўқитувчи

2. Кичик қишлоқ, қишлоқча.

Булоқ-бошидаги қўрғончамиз ҳаммаси бўлиб эллик беш хўжалик. — П. Турсун, Ўқитувчи

от тар. Қалъани, қўрғонни ҳимоя қилувчи соқчиларнинг бошлиғи, қалъа коменданти.

Азизбек, қаршисида қўл боғлаб турган қўрғонбегидан сўради: — Йигитларингизнинг барчаси ҳам қуруқ қолмадими? — Давлатингиз соясида, тақсир! — А. Қодирий, Ўтган кунлар

фл. Қўрғонламоқ феълининг мажҳул нисбати.

от Қўрғонтепа ҳудудида яшовчи шахс.

от Оқ-яшил рангли доналари йирик, боши катта бўладиган, майизбоп узум нави.

Нимранг тоифи, пуштиранг ҳусайни, тилларанг қирмиска, каҳрабо ҳусайни, ҳар донаси ёнғоқдай келадиган каттақўрғон — ҳаммаси шиғил пишган. — С. Анорбоев, Меҳр