Qidiruv

ot 1. ad. Asar asosida yotgan qamrovning romanga nisbatan torligi, hikoyaga nisbatan kengligi, shunga muvofiq holda, syujet va kompozitsiyaning ham romanga nisbatan soddaligi, hikoyaga nisbatan murakkabligi bilan xarakterlanuvchi badiiy asar.

Avtobiografik qissa. Tarixiy qissa. Fantastik qissa.

Yoshlar yaratayotgan roman, qissalar, ocherk, hikoyalar aksariyatida etik isteʼdodning yorqin ifodasi bor. — X. Yodgorov, Hayot toʻlqinlari

2. ad. Oʻzbek mumtoz adabiyotida voqeiy hodisa yoki afsonalar bayon qilingan epik asar; hikoya, rivoyat.

Qissai Sayfulmuluk. Durbekning Yusuf va Zulayho qissasi.

3. s. t. Biror narsa, kimsa, voqea-hodisa va shu kabilar haqida ogʻizdan ogʻizga koʻchib yuradigan hikoya, naql.

Rahimaxonning qissasi juda uzoq. Uning murakkab va mashaqqatli yoʻli haqida katta kitob yozsa arziydi — N. Safarov, Raisa

Qudrat maroqli boʻlgan sharq ertaklari, qissalar va latifalar aytib, soldatlarni toza kuldirdi. — Z. Fatxullin, Soʻnmas yulduz

ot s. t. Qissaxon, qissagoʻy.

Zamon koʻp gapni yoqtirmaydi, ammo joyini topib, odamini uchratib qolsa, undan usta qissachi yoʻq. — M. Ismoiliy, Fargʻona tong otguncha

ot Afsona, rivoyat va dostonlarni ifodali qilib aytish yoki badiiy oʻqish mahoratiga ega boʻlgan professional ijrochi.

Koʻknorixona ahlining oʻzlaridan qissaxonlari ham bor. — Fitrat, Qiyomat

ot Qissanavislik, qissalar yaratish.

Voqelikning badiiy manzarasini yaratish istiqlol davri qissachiligining asosiy muammolaridan sanaladi. — Gazetadan

ot Qissa aytish, oʻqish.

Qissagoʻylik shu yerda tugadi. Kamoliddin tirsaklarini stolga tirab, ikki qoʻli bilan boshini ushlab qoldi. — T. Jalolov, Oltin qafas

qıssaxanlıq