Hayot Foundation loyihasi
Loyiha haqida
Oʻz
Oʻz

Qidiruv

«Qandi» boʻyicha 24 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tilga
Ruscha Inglizcha Qoraqalpoqcha Nemischa Arabcha Turkcha

Lugʻat maqolalari

19 ta
qand
Izohli lugʻat · yana 7 ta lugʻatda

ot 1. Sof shakar moddasidan, shakardan tayyorlanadigan mahsulot; shirinlik.

Chaqmoq qand. Qand zavodi. Qand ushatmoq. Qand bilan choy ichmoq.

Mehnat qilib topganing — qand-u asal totganing. — Maqol

2. .

  • Qand kasalligi
  • Qandingni ur! Qandini ursin yoki qandingni ye! Tahsin-ofarin maʼnolarini ifodalaydigan ibora; balli, barakalla. Qandingni ur, yulduzlaring juft tushgan boʻlsa-chi, odam bolasi senlarni ajrata olmas! — Oybek, Tanlangan asarlar[Gʻofir aka] Koʻpchilikka yetakchi, katta-kichikka baravar, qandini yesin! — N. Maqsudiy, Umidli bolaBirov: “Yangi yer obod qilsa, qandini ursin desa, yana birov: Bu yerda ish topilmaydimi? derdi. — R. Fayziy, Choʻlga bahor keldi
Toʻliq maqola →
qandil
Izohli lugʻat · yana 4 ta lugʻatda

ot Bir necha sham yoki lampochka qoʻyiladigan oyoqli yoki osma chiroq; chilchiroq, lyustra.

Devoriy qandil. Osma qandil.

Oltin qandildagi elliklab shamlarning nuri uyga bir xayoliylik berar edilar. — A. Qodiriy, Oʻtgan kunlar

Oʻrnidan turib, devordagi vklyuchatelni chiqillatgan edi, uch lampali qandil yogʻdusi notinch va hayajonli yuzlarga tushdi. — P. Qodirov, Uch ildiz

Katta dolon, har bir uyda qiy-chuv, yerda chiroq, qandillar osigʻliq. — J. Sharipov, Xorazm

Toʻliq maqola →
qandak
Izohli lugʻat · yana 1 ta lugʻatda

ot 1. Oʻrikjiyda Kabi soʻzlarga qoʻshilib, ularning u qadar yirik boʻlmaydigan, kamsuv, ammo sershira navini bildiradi.

Bolaginamning bolasi — qandak oʻrikning donasi. — Maqol

Ogʻzilariga bittadan qandak jiyda solgach, suhbat yana qizib ketdi. — H. Shams, Dushman

Stolning usti oq-sariq mayiz, qandak oʻrik, bargaklarga toʻlib ketdi. — M. Muhamedov, Qahramon izidan

2. Xalq seleksiyasida chiqarilgan mahalliy ertapishar oʻrik navi.

Toʻliq maqola →
qanday
Izohli lugʻat · yana 5 ta lugʻatda

olm. 1. soʻr. olm. Belgi, sifat, xususiyat haqidagi soʻroqni bildiradi; qanaqa?

Bu qanday kitob? Qanday ovqatni xohlaysiz? U qanday ish bilan band?

[Yormat:] Qanday beda deng, bogʻi quchoqqa sigʻmaydi. — Oybek, Tanlangan asarlar

Ayt-chi oʻzing, Zarifa, axir kecha qanday tush koʻrding? — A. Qodiriy, Mehrobdan chayon

2. Soʻroq gaplardan transformatsiyalangan gaplar tarkibida soʻroq anglatmay, faqat nisbiy belgini bildiradi.

Kuyov uchun qanday kiyim yarashmogʻi ham bahs qilinar. — A. Qodiriy, Oʻtgan kunlar

Kapitan jangchilarni nom-banom chaqirib, kim qanday qurolni oʻrganmoqchi ekanini soʻradi. — A. Qahhor, Oltin yulduz

E, onajonginam, qani endi sen ham shu yerda tirik boʻlsang-u, oʻz oʻgʻlingning qanday odam boʻlganini koʻrsang. — P. Tursun, Oʻqituvchi

3. Maxsus ohang yordamida belgi-darajani kuchaytirib ifodalaydi; naqadar.

Hayot qanday goʻzal!

Oh, insonga taʼzim qilish, qad bukish qanday ogʻir, qanday haqorat. — K. Yashin, Hamza

Unsin uchun — bechora qiz uchun bu qanday falokat, bu qanday mudhish motam! — Oybek, Tanlangan asarlar

4. Bogʻlovchi soʻz (nisbiy soʻz) vazifasida qoʻllanadi.

Sotib olingan qul qanday boʻlsa, u ham bizga shunday edi. — Oybek, Tanlangan asarlar

5. rvsh. Qay tarzda, qay yoʻsinda.

Lugʻat qanday tuziladi? Bu pero qanday yozadi? Shuncha ishni bir oʻzing qanday bajarasan?

6. -ganda qoʻshimchasini olgan feʼllardan keyin kelib, berilgan savolga ijobiy javobni boʻrttirib, taʼkidlab ifodalaydi.

Bu filmni koʻrganmisiz? — Koʻrganda qanday. Shu kitob qiziqmi? — Qiziq boʻlganda qanday deysiz!

  • Qanday qilib Qaysi yoʻl bilan, qay tarzda, qaysi yoʻsinda. Qanday qilib bu yerga kelib qoldingiz?Siz Oltin yulduzni qanday qilib olgansiz? Shuni aytib bersangiz. — A. Qahhor, Oltin yulduzBiz radioaktiv moddalarning gʻoʻzalardagi tirik toʻqimalarga qanday qilib taʼsir qilishini aniqlashga muyassar boʻldik. — Fan va turmush
  • Qanday boʻlmasin (yoki boʻlsa ham) 1. Qandaydir, qanaqa boʻlmasin, bari bir. Endi u [Nuri] Fazliddinning hamma sifatlarida, qanday boʻlmasin, bir kamchilik koʻra boshladi. — Oybek, Tanlangan asarlarQanday boʻlmasin, ertaga kelishing kerak. Qanday qilay, Nima qila olar edim, nima qilay, na chora.Endi qanday qilay, boʻlar ish boʻlgan.Qanday qilay, oʻrtoqjon, oʻzimga qolsa, shundoq boʻlsin debmanmi. — A. Qahhor, Qanotsiz chittak
Toʻliq maqola →

Hammasini koʻrish · 19 →

Taʼriflar ichida

2 ta
smetana

smetana Suyuq qaymoqqa ivitqi qoʻshib tayyorlanadigan mahsulot. Smetana tarkibida sut yogʻidan tashqari oqsil, sut qandi, organik kislotalar, mineral tuzlar, shuningdek v

qandli

qandli Qandi bor, qand solingan, shirin. Qandli choy. Qandli diabet Organizmda insulin yetishmasligi va moddalar almashinuvining buzilishi natijasida kelib chiqadigan kas

Ertaklar

1 ta
Ernazar bilan Kimyonazar
Xalq ogʻzaki ijodi

Ertakda otasidan sehrli pichoq meros qolgan Ernazar ismli yigitning sarguzashtlari hikoya qilinadi. U akalarining hasadidan qochib, oʻziga yangi hayot qurishga

Sheva materiallari

2 ta
qandim
Xorazm viloyati · qandim

qumda oʻsadigan bir oʻsimlik (oʻtin boʻladi)

qandim
Xorazm viloyati · qumda oʻsadigan oʻsimlik

qumda oʻsadigan oʻsimlik