Поиск

ot Jismoniy, moddiy, maʼnaviy imkoniyat; kuch, quvvat.

Ey xudo, uchib yurgan parrandacha qurb, manzilat bermas ekansan, nima uchun xotin-qizlarni yaratding? — Hamza, Paranji sirlari

Faqirda qurb boʻlsa-yu, qani endi, sendan qochib qutulsa! — Oʻ. Hotamov, Qon va sut

ot 1. din. Xudo yoʻlida qurbonlikka soʻyilgan yoki soʻyiladigan jonliq.

Qurbon soʻyish.

2. koʻchma Biror ezgu ish, ezgu maqsad yoʻlida yoki sevikli kimsa, narsa va shu kabilar uchun kurashda halok boʻlgan, jon fido qilgan kishi.

Ozodlik qurboni. Urush qurboni.

Yer kurrasining koʻp qitʼalarida bombalar portlar, minglab qurbonlar koʻksida qon oqardi. — S. Ahmad, Ufq

Urush qurbonsiz boʻlarmidi. — S. Zunnunova, Olov

3. koʻchma Tabiiy ofat, falokat, koʻn-gilsiz hodisa, kimsalarning qilmishi, manfaati va shu kabilar tufayli halok boʻlgan yoki katta zarar koʻrgan, qattiq aziyat chekkan kishi.

Yongʻin qurboni. Zilzila qurbonlari. Jaholat qurboni. Urf-odatlar qurboni.

Farida Zokirni gunohsiz bir qurbon deb bilib, qattiq achindi. — P. Qodirov, Uch ildiz

[Gʻulomjon:] Boʻlib oʻtgan mana shu gaplarning oʻzi tuhmatchilar qurboni boʻlib turganimni isbot qilishga yetib ortadi. — M. Ismoiliy, Fargʻona tong otguncha

4. Qurbon bermoq Kishisi (kishilari) qurbon boʻlmoq; katta zarar, talafot koʻrmoq.

Talay urushlar koʻrdik, talay qurbonlar berdik. Guvoh — sochlarda oq-u manglayda ajinimiz. — Gʻ. Gʻulom

Beparvo boʻlmangiz, qoʻldan ketmasin Sonsiz qurbon berib qozonilgan baxt. — Sharq yulduzi

5. Qurbon (erkaklar va xotin-qizlar ismi).

ot Suvda va quruqlikda yashovchi dumsiz jonivorlar turkumining bir turi; oyoqlari sakrab yurish uchun moslashgan.

Qurbaqaning sayrashi.

Farida qurbaqa suzish qilib, qirgʻoqqa qarab borar ekan, suv purkab kuldi. — P. Qodirov, Uch ildiz

sft. Jismoniy yoki moddiy jihatdan qudratsiz, kuchsiz, holsiz, zaif.

ot 1. 1 Xudoga yaqinlashish, uning rahm-shafqatiga erishish uchun xudo yoʻliga jonliq soʻyish; shu jonliqning oʻzi.

Qurbonlikka atab soʻygan hayvon terisini sotgan kishining qilgan qurbonligi qabul boʻlmaydi. — Fan va turmush

2. Qurbon hayiti kunlarida xudo yoʻliga jonliq soʻyib, kishilarga beriladigan ziyofat.

Eshon qoʻy soʻyib, qurbonlik qildi, koʻp odamlar keldi. — P. Tursun, Oʻqituvchi

sft. Qurbon keltirmasdan; qurbonliksiz.