sft. 1. Katta pul turadigan, qimmat bahoga ega, qimmatli.
Qimmatbaho sovgʻa. Qimmatbaho buyum. Qimmatbaho toshlar.
Hokim supada yonboshlab yotgan yerida toʻrt barmogʻi qimmatbaho oltin uzuklar bilan bezatilgan choʻzinchoq panjasini uzatdi. — M. Ismoiliy, Fargʻona tong otguncha
Samarqand podshohiga oltin-kumush sovgʻalar qimmatbaho sarupolar inʼom qildilar. — P. Qodirov, Yulduzli tunlar
Qimmatbaho metallarga platina, palladiy, osmiy va ularning bir-birlari va boshqa oddiy metallar bilan hosil qilgan qotishmalari kiradi. — Fan va turmush
2. koʻchma Bahosi yoʻq, bebaho.
Qimmatbaho, gavharga teng soʻzlaringiz yaramga malham, dardimga davo boʻldi. — Sharq yulduzi
- Qimmatbaho (yoki qimmatli) qogʻozlar Oʻz egasiga mulkka egalik huquqini va daromad koʻrinishida muayyan pul summasini olish huquqini beradigan pul yoki tovar hujjatlari — aksiya, obligatsiya, akkreditiv, veksel, chek va shu kabilar. Ushbu Nizom qimmatbaho qogʻozlar blankalarini ishlab chiqarishni litsenziyalash tartibini belgiladi. — Gazetadan