Изоҳли луғат
· яна 5 та луғатда
от 1. Бир тиғли, ғилоф (қин) билан ёнга осиладиган, чопиш, санчиш билан ёвга шикаст етказадиган қурол.
Ўткир қилич. Учи қайрилган қилич. Қилич яланғочламоқ. Қилични қиндан суғурмоқ. Қилич солмоқ. Қилич билан урмоқ.
Мудофелар қўлларидаги милтиқ, шашвар, ойболта, қилич ва найзалари билан тизилишиб олдилар. — А. Қодирий, Ўтган кунлар
2. Қилич (эркаклар исми).
- Қилич ўйнатмоқ (ёки кўтармоқ) Қилич билан таҳдид қилмоқ. От устида қилич ўйнатган Тўхтасин ўз йигитлари билан босиб киради. К. Яшин ва — М. Раҳмон, Сирдарё
- Қиличдан ўтказмоқ (ёки кечирмоқ) Қилич солиб ўлдирмоқ, қирмоқ. Паризодни, хонни ҳам, Икки номард жонни ҳам Қиличдан ўтказмоққа Ҳозир эди шул замон. — Ҳ. ОлимжонУшбу фармонимизни олган он, дарҳол ўн беш ёшдан то етмиш ёшгача бўлган қипчоқ эр зотини қиличдан кечиргайлар. — А. Қодирий, Ўтган кунлар
- Қиличидан қон томадиган Бу ерда Шўрога қарши исён чиқариш у ёқда турсин, қиличидан қон томадиган беш-ўнта маслакдош ҳам топилмади. — Ҳ. Ғулом, Машъал