Qidiruv

ot 1. Shu kaʼbatulloning ichida oʻltirib yolgʻon gapirgan odam musulmon emas.

Kishining qasamiga ishonmagan ham yetti mazhabda moʻmin emas! — A. Qodiriy, Mehrobdan chayon

hech kimga aytmaslik uchun ogʻziga kelgan qasamlarni valdiray boshladi. — Oybek, Tanlangan asarlar

2. Sodiqlik haqida rasmiy ravishda beriladigan tantanali vaʼda, qasamyod.

Mayli, yomgʻir, qor yogʻsin, oʻz postimdan ketmay-man. Askarlik qasamiga hech xiyonat etmayman. — Uygʻun

Yusufjon aka umrining oxirigacha oʻz qasamiga sodiq qoldi. — Oʻzbekiston qoʻriqlari

ot Boʻlar-boʻlmasga qasam ichaveradigan, qasam ichib, undan qaytaveradigan, qasamining burdi yoʻq.

Qasamxoʻr odam,

Odamlar qasamxoʻr boʻlib ketdi. Bir kaft joʻgari, bir sariq tanga ilinjida qurʼon quchoqlab qasam ichadilar. — S. Siyoyev, Avaz

Ketma-ket qasam ichayotgan azamat mashhur qasamxoʻr Madrahim Adamboyev boʻladi. — Mushtum

ot 1. Qatʼiy vaʼda, ont.

Olimjon va Oyqiz, gʻoʻzalarni boʻron zarbidan saqlaymiz, deb qasamyod qilgan ekan. — Sh. Rashidov, Boʻrondan kuchli

Xalqimizning baxti uchun jon-tanim bilan kurashaman, dushmanga rahmsiz boʻlaman, deb qasamyod etdim. — Oydin, Sadagʻang boʻlay, komandir

2. Sodiqlik haqidagi rasmiy vaʼda, qasam.

Kechagina Bobur mirzoga sodiqmiz, deb qasamyod etganlar bugun unga shunchalar yomonlik qilmoqdasiz! — P. Qodirov, Yulduzli tunlar

ot 1. Oʻrishi ipak, arqogʻi ipdan toʻqiladigan, yoʻl-yoʻl gulli pishiq gazlama; shu gazlamadan tayyorlangan kiyim.

Bir joʻra beqasam. Beqasam toʻn.

Togʻa ham egnida beqasam toʻn, uzun-uzun qoʻllarini koʻksida chirmashtirgancha, viqor toʻkib turibdi. — M. Mansurov, Yombi

Guldor toqilik, baland oynali uyning toʻri va ikki tomoniga beqasam koʻrpachalar yozilgan boʻlib, har bir mehmon orqasiga, suyansa-suyanmasa, katta paryostiqlar tashlangan. — Yoshlik

Bakovul ularning beliga bittadan toʻnlik beqasam bogʻladi. — T. Murod, Qoʻshiq

2. koʻchma Turli rangda jilolanuvchi, beqasamdek taram-taram boʻlib tovlanuvchi.

Oftob teraklar orqasiga oʻtib, hovliga beqasam soya tashladi. — S. Ahmad, Ufq

Beqasam jiloli shu buyuk fazo rangini, toʻgʻrisi, Toshkentdan olar. — Gʻ. Gʻulom