sft. 1. Boshqaruvida, tasarrufida boʻlgan; boʻysunadigan.
Madaniyat vazirligiga qarashli muassasalar. Oliy taʼlim vazirligiga qarashli oʻquv yurtlari.
Nabiyev markaz yoʻllanmasi bilan bizning boshqarmaga qarashli yangi ochilgan shaxtaga oʻtgan ekan. — Gʻayratiy, Uzoqdagi yor
2. Biror hududiy butunlik tarkibiga kiruvchi, uning tarkibidagi.
Qoʻshni viloyatga qarashli yerlar.
Kapsanchilar qishlogʻiga qarashli Qoʻgʻazor mahallasida turuvchi Muhiddin Muhammadsolih oʻgʻli. — A. Qahhor, Qoʻshchinor chiroqlari
3. Biror guruh, oila va shu kabilar tarkibidagi, unga oid.
Oʻzimizga qarashli yigitlar, birortasiga aytamiz. — A. Qahhor, Qoʻshchinor chiroqlari
Unga qarashli ikki muttaham yigit kecha kech Salimning koʻmagi bilan qizni qulaygina oʻgʻirlab chiqdi. — Oybek, Tanlangan asarlar
4. Muayyan kimsaniki boʻlgan, unga tegishli.
bu yil bahorda ustiga yangi shiypon qilingan eskigina bir uy Mirzakarimboyga qarashli boʻlib — Oybek, Tanlangan asarlar
Chorvoq dalasi qadimda Madamin bilan Olaxoʻjaboyga qarashli edi. — P. Tursun, Oʻqituvchi
5. kam qoʻll. Taalluqli, oid.
Mamajon yalqovning kundalik daftarida turli yillarga qarashli bir necha sahifalarni yalqovning oʻz dastxati, oʻz ogʻzi bilan aytmoqchi boʻlaman. — Gʻ. Gʻulom, Tirilgan murda