Қидирув

сфт. 1. Қалдир-қулдур қиладиган, қалдираган.

— Тур ўрнингдан, амалдор! — деди банги қалдироқ овозда. — Н. Қобил, Унутилган соҳиллар

2. от Кучли қалдир-қулдур овоз.

Вазмин тўплардан ерда, самода учган қалдироқларга қулоқ солди. — Ойбек, Қуёш қораймас

Сурон солса агар зўр қалдироқлар, Яшин тегса агар, Юз йиллик чинорга ларза тушади. — Миртемир

Ерни, кўкни қамрагандай титратган бу садо олдида табиатнинг ҳар қандай даҳшатли қалдироғи ҳам ожиз бўлиб қолади. — Ойбек, Қуёш қораймас

от Чақмоқ чақиб, электр разряди — яшин билан кузатиладиган, қисқа вақт давом этадиган атмосфера ҳодисаси; портлаш тўлқини.

Олисда, ғарб томонда, осмонни икки бўлиб чақмоқ чақади, анчадан кейин момақалдироқ гулдурайди. — Ж. Ташенов, Жангчи Ўтеген

Кечга бориб жала қуйиб, тонг отгунча момақалдироқ гумбурлаб чиқди. — С. Аҳмад, Уфқ

– атмосфера ҳодисаси, унда тўп-тўп ёмғир булутларида ёки булутлар ва ер юзаси оралиғида кучли электр зарядлари – гумбурлаган овоз жўрлик қиладиган чақнашлар юзага келади. М. вақтида очиқ ҳавода ёки тўғридан тўғри электр қурилмаларга уланган қурилмаларда иш бошлаш ёки ишлаш мумкин эмас. М. вақтида жойнинг очиқ майдонларига чиқилмаса, ерга ётиб олинса, очиқ жойдаги мачталар, устунлар, дарахтларга яқинлашилмаса шикастланишнинг олдини олиш мумкин. М. яқинлашганда сув обекти (кўл, денгиз, дарё, ҳовуз ва ҳ.к.) ни тезликда тарк этиш ва қирғоқдан иложи борича нарироққа узоқлашиш зарур.