Қидирув

сфт. Ҳақиқий эмас; сохта, ясама; ёлғондакам.

Қалбаки пул. Қалбаки ҳужжат. Қалбаки имзо. Қалбаки табассум.

Тоза тиллами, қалбаки тиллами — кўряпмиз! — С. Анорбоев, Оқсой

Шаҳар банкида ёнғин бошланганлиги ҳақидаги қалбаки маълумотни ўт ўчириш қисмига Ҳасановнинг ўзи хабар қилган эди. — М. Хайруллаев, Тилла маржон

от кам қўлл. Қалбаки иш қилувчи; сохтагар.

Мана шуларнинг ҳамма-си қалбакичиларни хилма-хил туҳматларни ўйлаб чиқаришга мажбур қилмоқда. — Газетадан

от 1. Қалбаки эканлик.

Ҳужжатнинг қалбакилиги билиниб қолди.

2. Қалбаки иш, хатти-ҳаракат, риёкорлик.

— Руҳонийларнинг макри, қалбакилиги ҳақиқатан чегарани билмайди, — деди Муҳаммад Жамол жирканиб. — Ойбек, Нур қидириб

Қалбакилик инсонни бебурд қилади, тақсир. — Уйғун ва И. Султон, Алишер Навоий

Азиз қалбингни пок эт, қалбакиликдан ҳазар даркор. — Ҳабибий

от Ишдаги қалбаки ҳолат, қалбаки иш.

Баъзи қурилиш раҳбарлари юзакичилик, қалбакичиликка ёʻл қўймоқдалар. — Муштум

Эртага текширишда Жўранинг қалбакичиликлари албатта очилади. — С. Кароматов, Бир томчи қон

фальсифицироватьfalsification

фл. Қалбакилашмоқ феълининг орттирма нисбати.