ot 1. Topilmaydigan, yoʻq holat.
Bir kaft don-dun ekishga ham qurbim yetmadi Yer oriq, goʻng ham qahat. — Sh. Toshmatov, Erk qushi
Nahot shuncha qattiq tabiat qahri, Nahotki iloj yoʻq, bir chora qahat. — S. Zunnunova
Bu yerda hatto paypoq, noski ham qahat ekan. — Gazetadan
2. ayn. Qahatchilik.
Kim bizga qayriladi, Ochlik, qahat toʻrt tomon. — Mirtemir
- Oʻgʻriga mol qahatmi? Uddaburroga hamma narsa topiladi, degan maʼnoli ibora. — Oʻgʻriga mol qahatmi, hassa yoʻqolsa, sen uchun topilmaydigan matohmas-ku, — dedim. — Shukrullo, Javohirlar sandigʻi