Qidiruv

ot esk. Uzun va keng ustki kiyim.

Xonzoda begimning nafis qaddi-qomati, ipak matodan kiygan kamalakday tovlanuvchi qabosi Ahmad Tanbalga bugun har qachongidan ham jozibali koʻrinadi. — P. Qodirov, Yulduzli tunlar

ot 1. Qabih ish, yaramas xatti-harakat; qabihlik.

Qanday pastkashlik, qanday yaramas qabohat! Shu mahalgacha sezmaganimga hayronman! deb oʻyladi Gʻulomjon. — M. Ismoiliy, Fargʻona tong otguncha.

Intizor har uy dilovar, Dilkusholar bazmiga, Gar oyoq qoʻysa qabohat, Yigʻlagay ostona ham. — E. Vohidov, Muhabbat

2. sft. Qabohatli, razil, qabih.

Qabohat ish.

Bozorning ustini tuman olibdi, Odamlarga qabohat kun boʻlibdi. — Ochildov

Bu qabohat qirgʻin poyoniga yetmay, davlatpanoh aʼyonlari qurshovida jar yoqasida qator tizilgan oʻlim dorlari tomon yurdi. — S. Karomatov, Soʻnggi barxan

sft. Qabohat bilan toʻlib-toshgan; qabih, razil, iflos.

Necha vaqtlar boʻldi, tentirab yurgan, Qabohatli qattiq kunlar kechirgan. — Oysuluv

ot 1. esk. Qutichalar ichidan chaqqonlik bilan har xil narsalar chiqarib, oʻyinlar, fokuslar koʻrsatuvchi kishi; koʻzbogʻlovchi.

Xitoy kiyimida, koʻzini xitoychasiga boʻyagan, sochini orqasiga oʻragan ikkita huqqaboz talinka [tarelka]larni choʻplarda oʻynatib chiqadi. — T. Obidov, Yusufjon qiziq

2. koʻchma Hiylagar, firibgar, nayrangboz.

— Mustamlakachiliknigina emas, agressiv bloklarni ham himoya qilish bu — koʻzbogʻlovchi huqqabozlarninggina qoʻlidan kelishi mumkin, — dedi Ahmadjon. — A. Muxtor, Davr mening taqdirimda

ot 1. Hech kimi yoʻq, yolgʻiz.

Soʻqqabosh odam,

[U] Dunyoda yakka-yu yagona, soʻqqabosh odam. — S. Ahmad, Jimjitlik

Nazar-bek, bizda oila yoʻq, oilamiz oʻn yil burun qazo qilgan, ikki farzandimiz bor edi, biri ham turmadi. Soʻqqaboshmiz endi. M. — M. Doʻst, Lolazor

2. Uylanmagan, bola-chaqa qilmagan; boʻydoq, yolgʻiz.

— Bibi Robiya, — dedi u [Yaxshiboyev] — soʻqqabosh oʻtib ketyapsan. M. — M. Doʻst, Lolazor

ot Huqqaboz oʻyini.

Qiziqchi huqqabozlik qila turib, oyogʻini boshiga urib oladi va arazlab, maydondan chiqib ketadi. — T. Obidov, Yusufjon qiziq