fl. 1. Pardoz bermoq, silliqlab, boʻyab, chiroyli, jiloli qilmoq.
[Unsin] Ichkari uyda oʻtirib, mahsilarga shon qoqadi, shon tushiradi, pardozlaydi: qora gul, lok surkaydi. — Oybek, Tanlangan asarlar
Pardozlash ishlari oxirlab qolgan mazkur binolarning loyihasi chet eldan olib kelingani yoʻq. — Gazetadan
2. koʻchma Pardoz qilmoq, oʻziga zeb-oro bermoq.
Sochlarini yuvdirib, gul suvi bilan pardozlab koʻylak kiydirdi. — Oybek, Navoiy.
Qiz-juvonlar oʻzlarini hafsala bilan, bir-biridan oʻtishga pardozladilar. — T. Ashurov, Oq ot
3. koʻchma Ishlov berib mukammallashtirmoq, badiiy qiymatini oshirmoq, silliqlamoq.
Xalq ijodchilari kuylanib kelgan asarlarga oʻzgarish va yangiliklar kiritganlar, ularni pardozlaganlar. — Vatan adabiyoti