ot 1. Baʼzi mamlakatlarda: parlament yoki boshqa oliy davlat organining tarkibiy qismi.
2. Oʻzbekistonda: parlament — Oliy Majlisning ikki tarkibiy qismi: quyi palata — Qonunchilik palatasi, yuqori palata — Senat.
Palatalar bilan hamkorlik qilish, ularga har tomonlama yordam berish vazifasi Adliya vazirligining barcha tizimlariga yuklatiladi. — Gazetadan
Yuqori palata tarkibini viloyat, shahar va tumanlardan mahalliy kengashlarga saylangan deputatlarning vakillari tashkil etadi. — Gazetadan
3. Baʼzi davlat yoki jamoat tashkilotlari va muassasalarining nomi.
Savdo palatasi. Kitob palatasi. Tadbirkorlar va tovar ishlab chiqaruvchilar palatasi.
Viloyat tadbirkorlar va tovar ishlab chiqaruvchilar palatasi qoshida kichik va oʻrta tadbir-korlikni axborot va maslahat bilan qoʻllab-quvvatlash markazlari tashkil etilgandi. — Gazetadan
Ilmiraxon bilan tanishgunimga qadar Oʻzbekiston Yoshlar palatasi haqida koʻp narsa bilmas ekanman. — Gazetadan
4. Davolash va dam olish muassasalarida bemorlar yoki dam oluvchilar yotadigan alohida boʻlma, xona.
Axir, sen davolayotgan bemorlarning palatasiga televizor qoʻyib berishmaydi-ku. — T. Ashurov, Oq ot
Oʻsha kuni palatamizga sotuvchi ayol atlas olib kelgandi. — Gazetadan
Yomgʻir palatadan oʻtib, koʻrpa-yostiqlarni ham shalabbo qilib yubordi. — S. Ahmad, Ufq
Oʻrmon ichkarisidagi dala gospitalida brezent palatada yotibman. Qora Lochin palataga har zamon bir bosh suqib, menga qarab qoʻyadi. — S. Ahmad, Jimjitlik
6. Baʼzi hashamatli uy, qasrlardagi ichki imorat, zal.
Yarogʻ-aslaha palatasi.
- Umum (yoki jamoa) Palatasi Angliya va Kanadada: parlamentning saylanuvchi quyi palatasi. Lordlar palatasi Angliya parlamentining asilzodalardan yoki qirol tomonidan tayinlanadigan aʼzolardan iborat yuqori palatasi.
- Oʻzbekiston Respublikasi milliy kitob palatasi Oʻzbekistonda nashr etiladigan barcha bosma asarlarni hisobga olib, ularga bibliografiya tuzib boruvchi muassasa.