Қидирув

сфт. 1. Узоқ чидайдиган қилиб ишланган; пишиқ, мустаҳкам.

Пухта газлама. Пухта арқон. Пухта иморат. Пухта тўқилган пайпоқ.

Куннинг қизиғида кенг тош ёʻлда пухта этикларини қалдиратиб илдам юрган аскар йигит терлаган юзида бирдан шабада нафасини сезди. — Ойбек, Олтин водийдан шабадалар.

Кўчама-кўча пухта ғиштлардан тўшаб, тахтиравон ёʻл солди. — Нурали

2. Пишиқ, ҳар томонлама ўйлаб иш қиладиган.

Пухта одам. Пухта ташкилотчи. Пухтанинг иши беш, шошманинг иши бўш. — Мақол

— Ҳа, сен пухтасан, — дея Тўғайсари яна ёнбошлади. — Балки сениям билганинг билгандир. — Ш. Холмирзаев, Қил кўприк

3. Атрофлича, чуқур ўйланган, асосли; пишиқ.

Пухта фикр. Пухта иш. Пухта асар.

Хатиб домла ҳақсизликка қарши пухта тадбирларни кўради. — А. Қодирий, Обид кетмон

Бу гапни алоҳида эътироф этиш керакки, буларнинг бариси ҳаётий, бадиий жиҳатдан пухта, ишонарли чиқади. — К. Қаҳҳорова, Чорак аср ҳам нафас

Ёʻл-ёʻлакай қиз жуда кам гапирар, фақат саволларга жавоб берар эди, жавобларни ҳам олдин пухта ўйлаб, кейин айтарди. — Ф. Мусажонов, Ҳури

4. Камчилиги, кам-кўсти бўлмаган, бекам-кўст; тўла-тўкис.

Назарий жиҳатдан пухта тайёргарликка эга бўлган мутахассис кадрлар. Қишловга пухта тайёргарлик кўрмоқ.

Сиёсий мустақиллик пухта ва мустаҳкам иқтисодий заминга эга. — Газетадан

от 1. Ҳар тарафлама асослилик, пишиқлик; тўла-тўкислик.

Асарнинг пухталиги. Пухталик билан иш олиб бориш.

2. Буюмнинг белгиланган хизмат муддати давомида иш қобилиятини муайян чегарада сақлаган ҳолда ўз функсиясини бажариш хоссаси; пишиқлик, мустаҳкамлик.

фл. 1. Пухта қилмоқ, пиширмоқ.

[Мастура:] Айтмоқчи, биз поччангиз билан маслаҳатни хўп пухталаб қўйганмиз. — Ҳамза, Паранжи сирлари

Иш бошдан пухталанган, қандай ерга бораётганлари айтилган экан, хайрият! — Ойдин, Мардлик — мангулик

2. Асосли равишда, тўлиқ ўзлаштирмоқ.

Билимини пухталамоқ.

Холиқ чираниб дейди: — Осонгина кираман. Уч ой пухталаб ўқиб, Монтёр, радист бўламан. — Қ. Муҳаммадий

фл. Пухталамоқ феълининг мажҳул нисбати.

фл. Пухталамоқ феълининг биргалик нисбати.

сфт. 1. айн. Пишиқ-пишиқ.

Пишиқ-пухта гапирмоқ.

2. айн. Пишиқ 3, 6-10.

Пишиқ-пухта этик.

Мулла Муҳсин Хатиб домла каби пишиқ-пухта, яъни замона ишларига тушунадиган киши эмас. — А. Қодирий, Обид кетмон

Улар ишга пишиқ-пухта эдилар; икки савдо ходимининг тили бир бўлса, кўп иш қилса бўларкан. — Ш. Холмирзаев, Бодом қишда гуллади

Ҳабиба Қудратга, пишиқ-пухта, икки юз сўмдан ошиқ маош оларкан, деб дарров унаганди. — К. Кенжа, Тоғ ёʻлида бир оқшом