Поиск

ot 1. Oldi-sotdi yoki toʻlov muomalalarida narx, baho, qiymat oʻlchovi boʻlgan metall yoki qogʻoz belgi; aqcha.

Qogʻoz pul. Tanga pul. Naqd pul. Pul maydalamoq. Pul boʻlsa, changalda shoʻrva. — Maqol

Puli kuygan qalampir chaynar. — Maqol

Sidiqjon kechki payt koʻchaga chiqmoqchi boʻlgan edi, Anzirat xola, uning puli yoʻqligini bilganday, soch oldirgani pul berdi. — A. Qahhor, Qoʻshchinor chiroqlari

Yoʻlkiraga pulimiz, piyoda qaytishga ilojimiz boʻlmaganidan qolib ketdik. — M. Ismoiliy, Fargʻona tong otguncha

[Sanavbar Xayrinisoga:] Sizga ham gapiraman, pul uchun imoni va qizini sotadigan otamga ham gapiraveraman. Hamza, — Tuhmatchilar jazosi

2. Sarmoya, mablagʻ.

Qurilishga pul ajratmoq.

Pul-chi? Pul ham tugʻadi. Juda koʻp tugʻadi, tez tugʻadi, ayniqsa, bu zamonda pul sertuxum boʻlib ketgan. — Oybek, Tanlangan asarlar

Nuqul pul va foyda ketidan quvsak-da, ammo odamlarimiz ruhan qashshoq boʻlib qolishsa, bunday jamiyatning hech kimga keragi yoʻq. — Gazetadan

3. s. t. Ish haqi; maosh.

Qorovul puli. Bugun pul oladigan kunimiz.

4. esk. Baʼzi yerlarda yarim tiyinga, baʼzi yerlarda bir tiyinga teng boʻlgan pul oʻlchov birligi va shu qiymatdagi mayda pulning oʻzi.

Narx bilib kelgan bolaga yigirma pul berib, orqasi kuymaganini olish sharti bilan nonga yubordi. — A. Qodiriy, Mehrobdan chayon

Yiqitgan bolalarga ikki puldan sovrin berib tomosha qilib yotgan ikki boyning biri shu — Niyozmat hoji boʻlib, hajdan yangi kelgan yillari edi. — A. Qahhor, Sarob

5. Afgʻonistonning asosiy pul birligi — afgʻoniyning yuzdan bir ulushiga teng mayda pul, tanga.

узбекскийchoʻzmoq, tortmoq uzaytirmoq, sudramoqрусскийрастягивать, тянуть

n 1. [U] meva eti, goʻshti

2. [U] yogʻoch massasi, yogʻoch boʻtqa

3. [sing,U] boʻtqa, atala, kasha

ot tib. Yurakning qisqarishi natijasida undan kelayotgan qon oqimi taʼsiri bilan qon tomiri devorchalarining ritmik silkinishi, tepishi, urishi, shuningdek, badanning tomir tepkisi seziladigan joyi.

Puls — sakson. Bemorning pulsini koʻrmoq. Pulsni oʻlchamoq.

ot 1. Notalar qoʻyish uchun ishlatiladigan, bir tomonga nishab, uzun oyoqli stolcha.

Dirijyor pulti.

Kiyinishidan olaqargʻani eslatuvchi, sochi jingalak, chiroyli bir yigit dirijyorlik pultiga chiqib, qoʻlidagi tayoqchasini qimirlatuvdiyamki, zalda orkestr sadolari yangradi. — N. Aminov, Qahqaha

2. tex. Biror narsani avtomatik boshqaradigan asbob, apparatlar oʻrnatilgan joy (stol, stend va shu kabilar).

Boshqarish pulti. Dispetcherlik pulti.

U boshqarish pulti yonidagi kresloga oʻtirib, bir oz mizgʻimoqchi boʻldi. Afsuski, bu ham nasib etmadi. — Yoshlik

Bu joyda kattagina boshqarish pulti oʻrnatilgan ekan. — O. Moʻminov, Xiyobondagi uch uchrashuv

3. Radio teleapparaturalarni boshqaruvchi asbob.

Televizor pultini bosmoq.

sft. 1. Puli boʻlgan, puli bor.

Pulli — botir, pulsiz — yotir. — Maqol

2. Pul toʻlanadigan, pul evaziga olinadigan, beriladigan yoki qilinadigan.

Pulli konsert. Pulli maʼruza.

Qizil Yarim oy jamiyati tomonidan tashkil qilingan pulli poliklinikaga direktor qilib tayinlashni soʻradi. — A. Qahhor, Sarob

Pulli xizmatlarni bir yarim baravar koʻpaytirish rejalashtirildi. — Gazetadan

Oliy biznes maktabida oʻqish pulli-kontrakt asosida boʻlib, Boshqaruv biznes magistri dasturi boʻyicha xalqaro talablar va xalqaro programma asosida olib boriladi. — Gazetadan

3. (faqat miqdor ifodalovchi sonlar bilan) Pul, tiyin qiymatidagi.

Toʻqqiz pulli nosvoy. Uch pulli ahamiyati yoʻq narsa.

Olti pulli taqadek. Koʻzi irgʻib baqadek, Och muxlisning qoʻlida Oʻtmay qolgan chaqadek Shayx hazratlariga salom. — Hamza