Поиск

ot 1. Kosib va koʻnchilarda 9,3 kvadrat detsimetrga teng sath oʻlchov birligi.

Besh poʻta teri.

2. s. t. Foʻta.

Belima yarasha zarrin poʻtamdi(r), Oʻzing kechir mening qilgan xatomdi. — Nurali

Quloq solgin menday bebaxt tiliga, Beklardayin poʻta bogʻlar beliga! — Goʻroʻgʻlining tugʻilishi

3. shv. Tivit salla, roʻmol; dakana.

Mayram opa, boshidagi poʻtasi eshik tepasiga tegmasin uchun, xam boʻlib, ichkariga kirdi. — Sh. Xolmirzayev, Ogʻir tosh koʻchsa

Onam baland boʻyli, qotma ayol. Boshlarida hamma vaqt poʻta boʻladi. — Sh. Xolmirzayev, Ogʻir tosh koʻchsa

ot kit. Ishqor xususiyatiga ega boʻlgan oq donador, poroshoksimon modda.

Kaliy tuzlaridan kimyo sanoatida potash, kaliy selitrasi, bertole tuzi kabi mahsulotlar tayyorlanadi. — M. Zokirov, Bebaho xazina

ot esk. Kunduz soat 12 payti; tush, choshka, toʻp (avvallari Toshkentda shu paytda toʻp otilar edi).

— Voy oʻlmasam, toʻpotar boʻlib qolibdi-ku! — dedi [Hojiya xola] bir vaqt soat strelkasining 12 raqami ustida turganini koʻrib. — V. Gʻofurov, Vafodor

Unsin tumshugʻiga tunuka qoplangan choynakka choy damlab, ikkita kulcha bilan Shokir otaga uzatdi: — Otajon, toʻpotar boʻldi, choy iching! — Oybek, Tanlangan asarlar