Поиск

ot 1. Qoʻriqlash va mudofaa qilish uchun soqchiga yoki soqchilar guruhiga topshirilgan joy.

Mayli, yomgʻir, qor yogʻsin, Oʻz postimdan ketmayman. Askarlik qasamimga Hech xiyonat etmayman. — Uygʻun.

Mayli, igʻvolarda oy ham tutilsin, Shu postda soldatsan, toki hayotsan. — Gʻ. Gʻulom, Tanlangan asarlar

Biz, Vatan himoyachilari, oʻz postimizda hushyor tursak, hech kim bizning tinch va osoyishta hayotimizga raxna sololmaydi. — Gazetadan

2. Muayyan hududni qoʻriqlash, kuzatish uchun qoʻyilgan yoki yordam koʻrsatish uchun uyushgan kishilar guruhi.

Sanitariya postlari.

Remont texnologiyasini tubdan oʻzgartirib, unda remont turlari boʻyicha postlar tashkil etildi. — Gazetadan

ustaxona xalq nazorati posti qanday ish bilan shugʻullanayotgani menga qorongʻi. — Gazetadan

3. Masʼuliyatli lavozim, mansab, vazifa.

Direktorlik posti. Rahbarlik posti

— Avval kattaroq postda ishlaganmisiz? — E, yoʻq, — dedi u kishi, soddaligimni koʻrib, zavqi keldi chogʻi, tizzalariga urib kuldi,- Bozorda oddiy pattachi boʻlganman. — N. Aminov, Qaltis xato

und. s. 1. Odamlarni yoʻldan qochirish uchun qilinadigan xitob.

Poʻsht, arava kelyapti!

2. etn. Erkaklar begona hovliga kirganlarida, ayollarni yashirinish haqida ogohlantirish uchun aytiladigan xitob.

Bodombek, poʻsht, deb devor tepasiga chiqdi-yu, qoʻshni hovliga qaramay, osilib qolgan gʻishtni oldi. — S. Ahmad, Saylanma

Eshon, mehmon eshik ochmay turib, otinoyiga qichqirdi: “Poʻsht! Poʻsht! Bu: Erkak odam kirayotipti, qoching, degan soʻz edi. — P. Tursun, Oʻqituvchi

ot 1. kt. Biror kimsa yoki narsaning xavfsizligini, daxlsizligini taʼminlash uchun postda turgan kishi; qoʻriqchi, soqchi, qorovul.

Biri koʻk-da shunqor Biri chegarada yurt posboni. — S. Abdulla

Shoir, tevaragi Shirim qorovul boshlik, maxsus posbonlar qoʻriqlagan hashamatli ipak chodirga kirdi. — Oybek, Navoiy

Naqshinkor darvozaning ikki yonida ikki qurolli posbon shamdek qotib turardi. — M. Osim, Karvon yoʻllarida

2. koʻchma Muhofaza, himoya qiluvchi; saqlovchi, homiy.

Salomatlik posbonlari (shifokorlar).

Shirin soʻz, shirin muomala, shirin turmush — salomatlikning posboni boʻlib xizmat qiladi. — Gazetadan

Malohat — hayo yonida posbon. — Gazetadan

ot Oyoq kiyimining tovoniga tagcharmdan balandroq qilib qoqilgan qattiq charm yoki boshqa biror narsa.

Botinkaning poshnasi. Etikning poshnasi.

U baland poshnalarini polga doʻq-doʻq urib, xonadan chiqib ketdi. — Yoshlik

Qaytib kelganlarining ertasigayoq Sobirova opa ishda kiyadigan poshnasi yoʻgʻon tuflisi va odmi atlas koʻylagini kiyib, raykomga bordi. — Sh. Xolmirzayev, Bodom qishda gulladi

ot 1. Oʻsiq junli oshlangan teridan iborat toʻshak.

Ayiq poʻstagi. Echki poʻstagi.

Elchi va uning mulozimlari ham qator qilib solingan poʻstaklar ustiga oʻtirdilar. — M. Osim, Karvon yoʻllarida

Oʻrtaga bir yashikni xontaxta oʻrniga qoʻyib, atrofiga poʻstaklar soldi. — H. Nazir, Yonar daryo

2. koʻchma Qoʻlidan ish kelmaydigan, hech narsada yoʻq, eplay olmaydigan, kaltafahm.

E, nima qilaman oʻsha poʻstakni? — A. Obidjon, Akang qaragʻay Gulmat

Bu oʻzi poʻstak, dadamlarning obroʻsini qilib, maktabda unga baho qoʻyishgan. — Mirmuhsin, Ildiz va yaproqlar

ot Moʻynali oshlangan teridan tikilgan uzun, issiq ustki qishlik kiyim.

Sirma poʻstin. Pocha poʻstin. Odamni poʻstin emas, ish qizdirar. — Maqol

[Darvozabon] Oshlangan qoʻy poʻstagidan poʻstin kiyib belbogʻiga yarim gaz chamali kalid osgan turkman papaxli bir kishi. — A. Qodiriy, Oʻtgan kunlar