от 1. анат. Юзнинг қошдан сочгача бўлган қисми, манглай.
Кенг пешона. Пешона суяги.
Бу гаплардан ҳашарчилар қотиб-қотиб кулишарди. Раззоқ буқачи пешонасини уқалаб, терга пишиб, индамай ўтирарди. — С. Аҳмад, Жимжитлик
Икромжон тер босган пешоналарини, бўйинларини қийиғи билан артаркан, Азизхон тарафга бир қараб қўйди. — С. Аҳмад, Уфқ
2. кўчма Диний тасаввурларга кўра: қисмат, тақдир.
Наҳот пешонамга тоабад тобелик, қуллик мақоми битилган бўлса. — С. Сиёев, Ёруғлик
3. с. т. Бисот, буду шуд, бор-ёʻғи.
Пешонагинамизда биттагина-да, ўргилай, биттагина. — С. Аҳмад, Уфқ
Пешонамда битта ўғил, ёнимда юрсин, деб туриб олди. — С. Сиёев, Ёруғлик
- Пешонани боғлаб, ишга киришмоқ Астойдил ишга киришмоқ.
- Пешонасини силамоқ [Бой:] Баракалла ўғлим! Ҳалол меҳнат қилсанг, ҳамиша бахтинг олчи-да! Ҳамиша пешонангни силайман! Ҳамза, — Бой ила хизматчи
- Пешонага ёзилгани Тақсирда белгиланган нарса; тақдир, қисмат. Пешонамга ёзгани сен экансан, менда нима чора! — Ҳамза, Танланган асарларБилмадим, тақдир унинг ва менинг пешонамга нималар ёзгандир. — Ф. Ғулом, Ёдгор
- Пешонада битганини (ёки ёзилганини) кўрмоқ Тақдирда белгиланган нарсадан, қисматдан қочиб қутула олмаслик. Ўйнашмагин арбоб билан, арбоб урар ҳар боб билан. Пешонада битганини кўрасан. — Ҳамза, Бой ила хизматчиЗероки, рисолаларимиз мавжуд, ҳар ким ўз толеидан, пешонасига ёзилганини кўрадир. — У. Исмоилов, Сайланма
- Пешонамдан кўрдим 1. Таваккал, нима бўлса бўлар. Бахтинг бўлса, тузалиб кетасан, дейишяпти. У ёғини пешонамдан кўрдим. — СаодатХола, кун эзмаланмай, чиқиб айтаверинг-да. Бўладиган бўлса, мендан сўраб нима қиласиз? Нима бўлса, пешонамдан кўраман. — Ҳамза, Танланган асарлар
- Пешонаси ёруғ Омади келган, бахтли. Пешонамиз ёруғ экан, ўғлим. — П. Турсун, Ўқитувчи
- Пешонасига сиғмади Айрилди, жудо бўлди.
- Пешона тери Меҳнат ва унинг маҳсули. — Агар ўзининг пешона тери билан бойлик орттирган шайх топилса, — деди истеҳзо билан, — майли, мақбарани ўша бошқара қолсин, мен розиман! Шу билан гапим тамом. — К. Яшин, ҲамзаЎғирлик қилиб топган бўлсам айтинглар. Улар пешона тери билан топилган. Ҳалоллик билан орттирганман уларни мен — К. Яшин, Ҳамза
- Пешона тери тўкмоқ Тиришиб, астойдил меҳнат қилмоқ. Мусобақадошингиз қўйган шартларни бажариш учун ҳалол меҳнат қилинг, баравар пешона тери тўкинг! — У. Исмоилов, Сайланма
- Пешонаси деворга тегмоқ Тавбасига таянмоқ, қилмишига пушаймон бўлмоқ, тушунмоқ.
- Пешонаси кўҳлик Олло таоло бировнинг пешонасини кўҳлик, бировникини қуп-қуруқ қилиб яратади. У бандаларига ризқ-рўзни ҳар кимнинг ўзига яраша ўлчаб сочади. — К. Яшин, Ҳамза
- Пешонаси очилмоқ Иши юришмоқ, омади келмоқ, бахти очилмоқ. Бой ҳам шу мулкнинг бадалига, пешонам очилиб, бирор иш-пишга тушиб кетгунимча, бирор йил чамаси боқмоқчи бўлибди. — Ғ. Ғулом, Шум бола
- Пешонаси шўр ёки шўр пешона Бахциз, бебахт. — Эҳ, пешонам шўр экан, ошна! Бир ташвишдан қутулмасимдан иккинчиси таппа босади, — деди Азижон Омонтойга, бирон нажот топ, дегандай мўлтираб. — К. Яшин, Ҳамза[Жамила:] Ёки Ғофирдек бахциз, онангдай пешонаси шўр бўлиб туғилармидинг? — Ҳамза, Бой ила хизматчи
- Пешонаси қора Ёʻл узунми, дард узун? Дарвиш ашуласи узун. Тун қорами, дард қора? Дарвиш пешонаси қора. — Х. Даврон, Қақнус
- Пешонасини тириштирмоқ Энсаси қотмоқ ёки жаҳли чиқмоқ. Олчинбек дабдурустдан кириб келиб, тилёғламачилик билан бошлаган гапи Ҳамзанинг энсасини қотирди.Пешонаси тиришиб, қаттиқ гапиргиси келди-ю, лекин ўзини босди. — К. Яшин, ҲамзаМансур бир нафас пешонасини тириштириб, ўйланиб турди-да, эшик тутқичига қўл чўзди. — Ў. Ҳошимов, Қалбингга қулоқ сол