Қидирув

от 1. анат. Тана мушакларини суякка бириктириб турувчи мустаҳкам, эластик тўқима.

Сўйилган қўйни пайидан осмоқ.

Отақўзининг кўзлари қисилиб, жағ пайлари туртиб чиқди. — О. Ёқубов, Диёнат

Я на ҳар қандай гўштда пай, чочўсар, тоғай каби бириктирувчи тўқималар бўлади. — К. Маҳмудов, Ўзбек тансиқ таомлари

2. сфт. Кўчма Меҳнатда пишган, чайир.

У қоп-қора, қотма, вужуди пай бир йигит бўлиб, афтидан ёшини чамалаш қийин эди. — А. Қаҳҳор, Қўшчинор чироқлари

Забардаст, паҳлавон, кўркам, келишган, Вужуди пай, чайир, меҳнатда пишган. — Ҳабибий

3. эск. Оёқ, қадам.

Бу янглиғ муддате ёʻл қилдилар тай, Ки Арман кишвариға қўйдилар пай. — А. Навоий.

от 1. Бирор иш, воқеа-ҳодиса содир бўлган ёки бўладиган вақт, фурсат, он.

Туш пайти. Уқ отилган пайт.

Тонготар пайтида Азизхон Қўшариқ гузарига етиб келди. — С. Аҳмад, Уфқ

Чой пайтида Мақсуда онасига кўнглини бир оз очишга журъат қилди. — С. Зуннунова, Олов

2. Муайян шароит билан боғлиқ бўлган давр, замон.

[Заргаров:] Жоним. Пайт нозик, хотин-қизлар масаласи чирсиллаб турибди — бекорга нобуд бўлиб кетаман. — А. Қаҳҳор, Оғриқ тишлар

Яна жазо отрядининг кўзига қон тўлиб, кимга тегишини билмай турган нозик пайтда бир кор-ҳол бўлмасин дейман. Тағин ўзингиз биласиз — К. Яшин, Ҳамза

3. Бирор ишни амалга ошириш учун қулай вақт, фурсат, имконият.

Пайт топмоқ. Пайтни қўлдан бермоқ. Пайт келганда айтмоқ.

Мен пайт пойлаб қочишни мўлжаллаб борардим. — Ҳ. Аҳмар, Ким ҳақ?

Ўзи ҳам, пайти келиб, мана шу қизлардай дугоналари билан яйраб-яшнаб, қийқириб ўйнай олармикан! — Ў. Ҳошимов, Қалбингга қулоқ сол

от эск. Бирор кишига маълум вақтга мўлжаллаб бериладиган озиқ-овқат миқдори.

Бир ҳафталик паёк, Дадавой ака бугун ҳар кунгидан эртароқ келди. У ойлик паёгига гўшт, ёғ, гуруч, қандни бир халта қилиб кўтариб кирди. — Ҳ. Ғулом, Тошкентликлар

от 1. эск. Тахминан 50 граммга тенг оғирлик ўлчов бирлиги.

[Югурдак:] Мана, тақсир, олиб келдим, текшириб кўринг! Икки пайса етмас экан беҳиштга. — А. Орипов, Йиллар армони

Беш пайса ем аяган кезларингда қор кураб, илдиз топиб бердим уларга. — И. Раҳим, Зангори кема капитани

Етмиш икки ҳунаринг бор, лекин хумчангда беш пайса жиринг ёʻқ! — А. Қодирий, Обид кетмон

2. тар. Бухоро хонлигида беш тийинлик чақа.

Етмишинчи йилларда ҳукмдорнинг мис пайсага зарб этилган муҳрини топдилар. — Газетадан