fl. 1. Pastroq tushmoq, pastga (tomon) harakat qilmoq, pasaymoq.
Samolyot pastlab uchib oʻtdi.
Hatto bir kuni Mirvali togʻ yoʻlida keta turib, pastlab uchib yurgan vertolyotni qirqma miltigʻi bilan otib tushirmoqchi boʻlib chogʻlangandi-yu, katta janjalga aylanishini oʻylab, bu shaxtidan qaytgandi. — S. Ahmad, Jimjitlik
2. koʻchma Past tushib, pasayib ketmoq.
Ish surʼati pastlab ketdi. U soʻnggi yillarda pastlab ketdi.
3. koʻchma Pasaytirmoq, past qilmoq.
— E, shoirlar bor boʻlsin. Xalqning dilidagi gapni topib aytishadi baraka topkurlar, — dedi keyin ovozini pastlab, Hamzaga shivirladi. — K. Yashin. Hamza.