Қидирув

от 1. Сақлаш, асраш, ҳимоя қилиш қобилияти ёки қудратига эга бўлган кимса, нарса; ҳимоя; ҳомий.

Иссиқдан паноҳ топмоқ.

Бошига оғир кунлар келганда, Хўжанд аҳли яна шу эски қалъага паноҳ излаб келди. — М. Осим, Карвон ёʻлларида

Паноҳ бўлди бизга бу ўрмон, Кўплар биздай асрар бунда жон. — Х. Салоҳ, Излар ва ҳислар

2. кўчма Ҳимоя, ҳомийлик.

Мулла Фазлиддин Қувада турган пайтларида Тоҳирга хам-савод ўргатган эди. Энди жияни паноҳ истаб борса, қаноти тагига олиши мумкин. — П. Қодиров, Юлдузли тунлар

Зайнаб қолди бечора якка, Кимса келмас унга кўмакка, Па бир паноҳ, на бир ошиён, На бир ғамхўр, на бир меҳрибон. — Ҳ. Олимжон, Зайнаб ва Омон

Барча улуғларга ялиндим, ёлвордим, йиғладим, сиқтадим. Мана энди охирида сизнинг паноҳингизга келдим. — Ж. Шарипов, Хоразм

3. кўчма Ҳимоячи, яқин киши, дўст.

Йигитлар мактубин битганда қондан, Келинлар фироқдан чекканда ёҳу, Унинг ҳам паноҳи қайтмади жангдан. Ўн тўққиз ёшида бева қолди. — А. Орипов, Йиллар армони

Баҳор, қатра ёшим айлагил қабул, Онам бошига ҳам бордингмикан, айт?! Унинг оромгоҳи бундан олис жой, Олисда ётибди менинг паноҳим. — А. Орипов, Йиллар армони

от Ҳимоя, паноҳ бўла олувчи.

У одам Жаҳонгирни паноҳкордай билиб қолган эди. — Шарқ юлдузи

от 1. Бирор жойнинг узоқ уфққа қадар кўриниб турадиган теварак-атроф манзараси.

— Бу ердан ҳамма ёқ яққол кўринади, — деди у [Комилжон], йироқ-йироқларга қулоч ёйган қурилиш панорамасини кўрсатиб. — Ж. Абдуллахонов, Тонг ёришган соҳилда

Кечқурун дарёдан қараганда, шаҳарнинг гўзал панорамаси чирой кўрсатади. — Т. Жўраев, Улуғ Хитойда

2. Тасвирий санъат тури; айлана шаклли зал деворига горизонтал қоплаб ишланган, томошабинга ҳақиқий манзарадай кўринадиган жуда катта сурат.

Севастопол панорамаси.

3. ҳарб. Тўп, замбарак каби отиш қуролларида: аниқ мўлжалга олиш учун хизмат қиладиган оптик бурчак ўлчагич асбоб.

от Подшоҳлар, хонлар эпитети.

Ўз устозини билмаган бу бепадар, олампаноҳнинг ҳам бетларига оёқ қўйишдан тоймай, устозининг қиблагоҳи учун мувофиқ кўрилган қизини ёʻлдан оздириб, бу кун кечаси уни қочириб, менинг ҳовлимга олиб келди. — А. Қодирий, Меҳробдан чаён

— Олампаноҳ — Ҳофиз Кўйкий шоҳга қимтинибгина мурожаат қилди. — Х. Султонов, Бир оқшом эртаги

от Бахт-у саодат ато этувчи, саодатбахш; подшоҳ.

Лутф-у карамингиз нуридан кўнгулларимиз чароғон ўлиб, лашг-у наҳор дуои жонингизни қилмоқ ила хуррам-у шодмиз, давлатпаноҳ! — С. Сиёев, Ёруғлик

от Шариат қонун-қоидаларини изчиллик билан амалга оширувчи, шариатни ҳимоя қилувчи, қўллаб-қувватловчи шахс.

Мен сени шариатпаноҳ деб юрган эканман. Энди кўзим очилди, сенинг тулки башарангни танидим энди. — М. Ўринхўжаев, Унутилмас кунлар

Шариатпаноҳ жанобларининг гаплари тўғри. — С. Айний, Жаллодлар