Поиск

ot 1. Qovun, bodring kabi oʻsimliklarning yerda yoyilib oʻsadigan tana, shox va barglari.

Qovun palak otibdi. Palak yozgan tarvuz.

Domlalarni choy va dasturxon tayyor boʻlguncha ovutib turish uchun mulla Obid palakdan uch-toʻrtta qovun uzib chiqadi. — A. Qodiriy, Obid ketmon

Ishkom va shaftolilar uchastka chetidagi qovun-tarvuz palaklari ustidan oʻz soyalarini yigʻib olmoqda edi. — P. Qodirov, Uch ildiz

2. Palak otmoq Ildiz otmoq, avj olmoq; koʻpaymoq, mustahkamlanmoq.

Natijada VIII—IX asrlardan boshlab Termizda sayidlar avlodi palak otib, mashhur boʻlib ketdi. — Fan va turmush

Chunki bu yerda rasmiyatchilik palak otgan: mendan ketguncha, egasiga yetguncha, qabilida ish tutilmoqda. — Gazetadan

3. Tup qoʻyib, palak otmoq Mustahkam oʻrnashib, martabasi oshmoq; bola-chaqali boʻlib ketmoq.

Stansiyadagi moʻtadil havo sekin-asta Salimjonni avval dotsent, keyin professor qilib, tup qoʻyib, palak ottira boshladi. — Mirmuhsin, Umid

Qaytish bizning qismatimizda boʻlmasa, sizlarda bordir. Zurriyotimiz ota yurtda tup qoʻyib, palak otsa, ming bor shukr qilamiz. — Yoshlik

ot Qush koʻrinishga ega boʻlgan afsonaviy uchar ot.

Toʻrt qiz palak-qushga minib, toʻqqiz kecha-kunduzda Chambilga yetdilar. — Zulfizar bilan Avazxon

ot Ikki juft oq, kulrang yoki rang-barang qanotli nozik hasharot.

Kapalak gulni sogʻinar, bulbul — kuyni. — Maqol

Rayhonlar qad koʻtarib, hid sochdi, birin-ketin ochilgan rang-barang gullar usti-da kapalaklar qanot qoqa boshladi. — A. Qahhor, Qoʻshchinor chiroqlari

ot Oʻsimliklarning barglariga oqish dogʻlar tushirib, soʻldiradigan va quritadigan kasallik (vilt kasalining bir xili).

— Olimlar oqpalakka chidamli nav topishdi-ku! — gapga aralashdi talaffuzi shirinroq yigit. — S. Nurov, Narvon

Oqpalak boʻlayozgan paxtani oʻgʻit sepish bilan sogʻaytirish mumkin. S. — Ayniy, Qullar

ot 1. Bodring, qovun, gʻoʻza singari oʻsimliklarda toʻrtinchi barg chiqargan nihol.

Gʻoʻzalar chorpalak boʻlib qoldi.

2. Shunday nihollar chiqarish davri.

ot 1. Suv kuchi bilan aylanib, katta ariqdan yuqoriga suv chiqaradigan eng qadimiy qurilma; chigʻir.

Kech yengil shabadada barglar asta shildirar, bu mayin sas yalqovlanib aylanayotgan charx-palakning gʻirch-gʻirchiga qoʻshilib ketardi. — Y. Shamsharov, Toshqin

Charxpalak chuqursoy tubidan suv olib, tevarakka jon baxsh etmoqda. — J. Abdullaxonov, Oriyat

2. Madaniyat-istirohat bogʻlariga, bolalar maydonlariga oʻrnatiladigan, bir nechta kajavasi boʻlgan, gorizontal oʻq atrofida elektr quvvati yordamida aylanuvchi katta gʻildirak tarzidagi koʻngilochar inshoot.

[Qiz] Qiyqirib kular, tezlikni pisand qilmas, charxpalak yana oʻn marta tezroq charx ursa ham, unga kamlik qiladigandek edi. — A. Muxtor, Davr mening taqdirimda