Поиск

ot 1. Qovun, bodring kabi oʻsimliklarning yerda yoyilib oʻsadigan tana, shox va barglari.

Qovun palak otibdi. Palak yozgan tarvuz.

Domlalarni choy va dasturxon tayyor boʻlguncha ovutib turish uchun mulla Obid palakdan uch-toʻrtta qovun uzib chiqadi. — A. Qodiriy, Obid ketmon

Ishkom va shaftolilar uchastka chetidagi qovun-tarvuz palaklari ustidan oʻz soyalarini yigʻib olmoqda edi. — P. Qodirov, Uch ildiz

2. Palak otmoq Ildiz otmoq, avj olmoq; koʻpaymoq, mustahkamlanmoq.

Natijada VIII—IX asrlardan boshlab Termizda sayidlar avlodi palak otib, mashhur boʻlib ketdi. — Fan va turmush

Chunki bu yerda rasmiyatchilik palak otgan: mendan ketguncha, egasiga yetguncha, qabilida ish tutilmoqda. — Gazetadan

3. Tup qoʻyib, palak otmoq Mustahkam oʻrnashib, martabasi oshmoq; bola-chaqali boʻlib ketmoq.

Stansiyadagi moʻtadil havo sekin-asta Salimjonni avval dotsent, keyin professor qilib, tup qoʻyib, palak ottira boshladi. — Mirmuhsin, Umid

Qaytish bizning qismatimizda boʻlmasa, sizlarda bordir. Zurriyotimiz ota yurtda tup qoʻyib, palak otsa, ming bor shukr qilamiz. — Yoshlik

ot Orqalab yuk tashishda ishlatiladigan maxsus yostiqcha.

Hozir [Qaipbergan] kiftiga palang qoʻyib, Allonbiyning yukini tashiydi. — A. Muxtor, Qoraqalpoq qissasi

ot 1. Baʼzi mamlakatlarda: parlament yoki boshqa oliy davlat organining tarkibiy qismi.

2. Oʻzbekistonda: parlament — Oliy Majlisning ikki tarkibiy qismi: quyi palata — Qonunchilik palatasi, yuqori palata — Senat.

Palatalar bilan hamkorlik qilish, ularga har tomonlama yordam berish vazifasi Adliya vazirligining barcha tizimlariga yuklatiladi. — Gazetadan

Yuqori palata tarkibini viloyat, shahar va tumanlardan mahalliy kengashlarga saylangan deputatlarning vakillari tashkil etadi. — Gazetadan

3. Baʼzi davlat yoki jamoat tashkilotlari va muassasalarining nomi.

Savdo palatasi. Kitob palatasi. Tadbirkorlar va tovar ishlab chiqaruvchilar palatasi.

Viloyat tadbirkorlar va tovar ishlab chiqaruvchilar palatasi qoshida kichik va oʻrta tadbir-korlikni axborot va maslahat bilan qoʻllab-quvvatlash markazlari tashkil etilgandi. — Gazetadan

Ilmiraxon bilan tanishgunimga qadar Oʻzbekiston Yoshlar palatasi haqida koʻp narsa bilmas ekanman. — Gazetadan

4. Davolash va dam olish muassasalarida bemorlar yoki dam oluvchilar yotadigan alohida boʻlma, xona.

Axir, sen davolayotgan bemorlarning palatasiga televizor qoʻyib berishmaydi-ku. — T. Ashurov, Oq ot

Oʻsha kuni palatamizga sotuvchi ayol atlas olib kelgandi. — Gazetadan

Yomgʻir palatadan oʻtib, koʻrpa-yostiqlarni ham shalabbo qilib yubordi. — S. Ahmad, Ufq

Oʻrmon ichkarisidagi dala gospitalida brezent palatada yotibman. Qora Lochin palataga har zamon bir bosh suqib, menga qarab qoʻyadi. — S. Ahmad, Jimjitlik

6. Baʼzi hashamatli uy, qasrlardagi ichki imorat, zal.

Yarogʻ-aslaha palatasi.

ot 1. Aynigan, buzilgan, sasigan (tuxum haqida).

Palagʻda tuxum.

Uni qanaqa chiroyli soʻzlarga oʻramasin, palagʻda tuxumga murch sepib berganday gap — bari bir yeb boʻlmaydi. — A. Qahhor, Bek

Olqindi ketdi-yu, uyda allaqanday mogʻor hidi bilan beshta palagʻda tuxum qoldi. — S. Ahmad, Saylanma

2. Unmaydigan, quruq, qovjiroq (urugʻliklar haqida).

Palagʻda urugʻ.

3. koʻchma . Poʻngʻillagan, yoqmaydigan, yoqimsiz, xira (ovoz haqida).

Uning [Ochilvoyning] ovozi allaqanday xirillab, palagʻda chiqadi. Izzatulla aka oʻrnidan qoʻzgʻalib, unga kulumsirab qaraydi. — N. Aminov, Qahqaha

Chol kaftini toʻldirib nos otdi-da, palagʻda tovush bilan gapga tushib ketdi. — S. Ahmad, Hukm

4. koʻchma . Hech narsaga yaramaydigan, foydasiz.

Nishonboy, bu savoling palagʻda chiqdi. — A. Qahhor, Qoʻshchinor chiroqlari

ot 1. Pati chiqmagan polapon yoki joʻja.

2. koʻchma salb. Qoʻlidan hech ish kelmaydigan oʻspirin, tajribasiz odam.

Oʻrta maktabdan yaqinda uchirma boʻlgan, lekin hali chinakam turmush nimaligini bilmaydigan bu palapomlarga nima desin? — S. Anorboyev, Oqsoy

3. Katta, besoʻnaqay, oʻzini eplay olmaydigan.

4. Odatdagidan oʻta katta hajmdagi, bahaybat.

Palapom oshqovoq.

ot 1. Parrandalarning kali pat va qanot chiqarmagan yoki endigina chiqara boshlagan bolasi;

— Buni qarang, — dedi jilmayib Nafisaxon oʻzida yoʻq shod. — Musichaning palapon bolasi ham, shunaqa kap-katta boʻlsa ham, onasi ketidan qanot silkib, osilib yuradi — Mirmuhsin, Umid

Tom boʻgʻotiga uya qurgan chumchuqlar bot-bot palaponlarini uchirma qilishardi. — N. Qobil, Unutilgan sohillar

2. Goʻdak bolalarni, yoshlarni erkalatib aytiladigan soʻz.

Ilk bor hayotingda qor saylidir bu, Izingdan shuʼladek yugurar koʻzim. Qoʻrqma, palaponim, chekmagil qaygʻu, Yiqilsang, turgʻizib qoʻyaman oʻzim. — A. Oripov, Yillar armoni

Yoʻling ochiq boʻlar, boʻlsang sen ochiq qoʻl, Omin endi, palaponim, senga oq yoʻl. — Y. Eshbek, Sogʻinib yashayman

3. koʻchma betklf. hazil. Hech narsa bilmaydigan, tajribasiz.

Oʻrta maktabdan yaqinda uchirma boʻlgan, lekin hali chinakam turmush nimaligini bilmaydigan bu palaponlarga nima desin? — S. Anorboyev, Oqsoy

4. Besoʻnaqay, katta; salmoqlanib, lapanglab yuradigan.

Palapon tovuq.