Поиск

ot 1. bot. Janub togʻlarida oʻsadigan past boʻyli, yongʻoqmevali daraxt yoki buta.

Tabiatning mehri bilan yasalgan koʻm-koʻk archazorlar va togʻ ariqlaridagi jarlar yoqasida saf tortgan pista zumraddek tovlanib, koʻzni qamashtirar edi. — Tuygʻun, Shoir haqida haqiqatlar

2. Shu daraxtning qattiq qobiqli mevasi.

Odam odam bilan, Pista bodom bilan. — Maqol

Lekin pista, bodom, mayiz, jiydani koʻrib, tarvuzim qoʻltigʻimdan tushdi. — F. Musajonov, Himmat

Ana shirinlik, mana shirinlik, deb murabbo-yu nisholda, pista-yu magʻiz, qand-qurs, yana allanimalarni hech surishtirmasdan, aralash-quralashiga pok-pokiza tushiraveribdi. — N. Maqsudiy, Mechkay eshon

3. s. t. Kungaboqarning xom yoki qovurilgan urugʻi.

Bir vaqtlar eri urushda oʻlgan xotin shu tosh ustida oʻtirib, pista sotardi. — Oʻ. Hoshimov, Qalbingga quloq sol

ot 1. Patronning poroxli zaryadini yondirish uchun oz miqdorda portlovchi modda solib, oʻq tubiga oʻrnatiladigan metall kosacha; kapsul.

Miltiq oʻqining pistoni. Snaryad pistoni. Chaqilgan piston,

Lutfilla boshi yanchilgan ilondek toʻlgʻanib yotar edi, tezlik bilan pistoni chaqilmagan toʻpponchani oldi. — Mushtum

2. Oʻyinchoq miltiq yoki toʻpponchada otish uchun belgilangan, oz miqdorda portlovchi moddasi boʻlgan tangachasimon qogʻoz gʻilof.

3. Pichoqchilikda: pichoqning dastasiga qadalgan sadafning atrofiga aylantirib qoʻyilgan halqasim (sadafni mahkam tutib turadi).

4. Kiyim-kechak, parda va shu kabilarga ziynat uchun qadaladigan yiltiroq plastinkacha.

Doʻppiga piston qadamoq.

U [qiz] tushayotganda, boshidagi qora toʻr pardaga qadalgan oltin pistonlar yiltirab, jilva sochdi. — Mirmuhsin, Choʻri

5. Puflab chalinadigan musiqa asbobining ijrochi-sozanda qoʻl bilan bosib ochib-yopib turadigan tugmasi.

6. Botinkaning ip oʻtkaziladigan teshiklariga izma oʻrniga oʻrnatiladigan temir halqacha.

ot Pista magʻzi rangidagi, och bargikaram, ochiq yashil.

Pistoqi ipak.

— Koʻk, qizil, zangori, sariq, oq, pushti, jigarrang, goʻlos, pistoqi — boringki, dunyoda qancha rang boʻlsa toʻtining patida bor edi, — dedi Shum bola. — Gʻ. Gʻulom, Shum bola

Toʻy oqsoqoli darrov pistoqi yalovni Goʻroʻgʻli sultonning boshiga koʻtardi. — Avazxon

ot Pista daraxtlari bilan band yer, maydon.

Oʻrmon xoʻjaligiga qarashli pistazorlar.

Tun yarimdan ogʻdi. Oy pistazor togʻlarning orqasiga asta-sekin yashirindi. — Yo. Shukurov, Yuraklar taka-puka

ot 1. Toʻsatdan hujum qilish yoki ov poylash uchun foydalaniladigan yashirin qurilma, joy.

Tulki ovlash uchun pistirma qoʻymoq. Pistirmadagi ovchi.

Yoʻlda bir yoki ikki yonda pistirma bor, pistirmani yaxshi poylab, chap berib oʻtolsang, qishloq yoʻliga chiqasan. — Gʻayratiy, Unutilmas kunlar

2. Shunday maqsad uchun belgilangan kishi yoki kishilar guruhi; harbiy boʻlinma.

Pistirma qoʻygan odamlaringiz ishonchlimi? — Sharq yulduzi

ot Yaqindagi nishonga oʻq uzish uchun moʻljallangan, yonda olib yuriladigan qurol, toʻpponcha.

Yetti oʻqli avtomatik pistolet.