Qidiruv

sft. 1. Oʻy bilan band boʻlgan, oʻyga choʻmgan.

U shunday oʻychan, parishon holatda buloqqa yaqinlashdi. — M. Ismoiliy, Fargʻona tong otguncha

Nigora yulduzlarga oʻychan tikilarkan, kipriklarida oʻsha yulduzlardek jilvalanuvchi yosh tomchilari qotdi. — S. Anorboyev, Oqsoy

2. Oʻyga, xayolga koʻp beriladigan; oʻy, xayol bilan doimo band boʻladigan.

Oʻychan qiz.

Bu yolgʻiz horgʻinlikdan emas, ikki kun ichida koʻrganlari uni qandaydir oʻychan, kamgap qilib qoʻygandi. — Oybek, Quyosh qoraymas

3. Oʻyga choʻmganligini aks ettirib turgan.

Chol oʻgʻlining oʻychan koʻzlariga termilib, Botiralidan gapira ketdi. — H. Gʻulom, Mashʼal

Isroil Normatning oʻychan yuziga qaradi. — I. Rahim, Chin muhabbat

4. koʻchma Tinch va sokin; xuddi xayol surganday.

Oʻychan oqshomlar! Salqin oqshomlar! Nashʼaga eltar. — M. Shayxzoda

Oʻychan kecha, tun ichra tanho, Rauf Parfi, qoldik ikkovlon. — R. Parfi, Koʻzlar

ot Oʻychan holat.

— Lekin, — dedi Adolat oʻychanlik bilan, — dadamga hali koʻringanim yoʻq. — S. Zunnunova, Gulxan

Uning nozik qirmizi yuzida xafalik koʻzlarida chuqur oʻychanlik bor edi. — S. Anorboyev, Oqsoy

ot 1. Toy I 1, 2 soʻzidan kichraytirish-erkalatish shakli.

Bir yashar toycha. Toychani toy deb xoʻrlama, Erta-indin ot boʻlar. — Maqol

2. koʻchma Erka, erkatoy, toyloq (faqat bolalarga nisbatan).

Xoʻsh, kolxozda oʻzing nima qilyapsan, toycham. — Oybek, Oltin vodiydan shabadalar

ot 1. Koʻcha-koʻydagi mayda xarajatlar uchun moʻljallangan oz miqdordagi pul; choy puli.

Ota choychaqaga muhtoj boʻlib, bozor kunlari Qoʻyliqda hammollik qildi. — H. Gʻulom, Mashʼal

2. Uncha-muncha xizmat uchun beriladigan haq, xizmat haqi.

Agar Shoqosim ish bilan oʻzini yoqtirsa, xoʻjayin oʻz bilicha choychaqa ham berib turadi. — Oybek, Tanlangan asarlar

3. Taqchil molni topib bergani uchun doʻkonchiga beriladigan ustama haq, pul.

Oʻgʻli qancha ovora-sargardon boʻlib, magazinchilarga choychaqa berib olib kelgan narsasi quvonch bagʻishlash oʻrniga, ayvonda chang bosib tursa — S. Nurov, Narvon

rvsh. Yalang oyoq; oyoqqa paypoq kiymay yoki paytava oʻramay poyabzalni oʻzini kiygan holda.

Qizil paranjisini chim-matsiz boshiga tashlab, eski kavushini sarpoychan sudrab olgan Xolniso eshikdan kirib keldi. — A. Muxtor, Opa-singillar

Kuz kirib, havo ancha salqinlaganiga qaramay, Teshaboy tashqarida yaktakchan, sarpoychan yurgan edi. — M. Ismoiliy, Fargʻona tong otguncha

ayn. Yalangoyoq.