Изоҳли луғат
· яна 7 та луғатда
от 1. Юрт-эл орасида бирор нарса, воқеа ва шу кабилар тўғрисида тарқалган хабар, гап-сўз, миш-миш.
Бироқ тез кунларда Фозилжон уйланмоқчи эмиш, аммаси қиз қидириб юрибди, деган овозаларни эшитишди. — С. Зуннунова, Кўк чироқлар
2. Шуҳрат, довруқ, донг.
Гўзал Арманистон, мени афв эт, Даъвом ёʻқ шуҳратинг овозасига. — С. Абдулла
3. мус. Ўн икки мақом тизимидаги пардалар тузилмаси.
- Овоза бўлмоқ ёки овозаси кетмоқ Шуҳрати ҳар тарафга тарқалмоқ, машҳур бўлмоқ; шуҳрат, донг чиқармоқ. Бой ҳаммага соз-у томоша, атрофга овоза бўлсин, деб келин ўтови учун баланд супа қуриб устига оқ ўтов тиктирди. — Ёшлик
- Овоза қилмоқ Бирор хабарни эл-юрт орасига тарқатмоқ, довруқ қилмоқ, ёймоқ. У каналга келиб, юрт оғзига тушиб қолганиданми ё атоқли шоир у тўғрида каттакон очерк ёзиб, республикага овоза қилганиданми, ҳар қалай, энди анча босиқ бўлиб қолганди. — С. Аҳмад, Уфқ.