Qidiruv

ot 1. Eshik, darvoza chorchoʻpining ostki koʻndalang yogʻochi; binoga, hovliga kiraverishdagi yerga koʻn-dalang yotqizilgan yogʻoch, taxta, xarsang va shu kabilar; boʻsagʻa.

Baland ostona. Uy ostonasi. Koʻcha eshik ostonasi.

Eshik qattiq tepki bilan ochildi-yu, ostonada chuvalchangday chuvak., bir kishi paydo boʻldi. — M. Ismoiliy, Fargʻona tong otguncha

Ahmad brigadir Nusratbekni yangi darvoza ostonasida koʻrishi bilanoq ahvoli ruhiyasini tushundi. — S. Nurov, Maysalarni ayoz urmaydi

2. koʻchma Uy, xonadon, dargoh.

— Shu yer tufayli bizlar sening ostonangga bosh egib, qulluq qilib keldik, — dedi Oyimxon. — P. Tursun, Oʻqituvchi

Sanʼat shunday buyuk dargohki, uning ostonasiga qadam qoʻydingmi, orqaga chiqishning imkoni yoʻq. — Saodat

3. koʻchma Qishloq yoki shaharga kiraverishdagi joy, boʻsagʻa.

Iskandar Xoʻjand ostonasida qattiq talafot koʻrgan. — Mirmuhsin, Temur Malik

Chekingan dushman qishloq ostonasidagi tepalikka chiqib olib, qarshilik koʻrsata boshladi. — N. Safarov, Komissar Qoraboyev

4. koʻchma Biror voqea yoki hodisaning boshlanishiga yaqin qolgan payt; arafa.

Hali esini tanimagan, oʻt-olov bola shu yerda balogʻat ostonasiga yetdi. — S. Ahmad, Qadrdon dalalar

Yurtim, seni yana qutlab qoʻyayin, Qutlugʻ Yangi yilning ostonasida. — A. Oripov, Yillar armoni

5. geogr. Daryo ostidagi, baʼzan suvdan chiqib koʻrinib turadigan va suv oqimini tezlashtirib, kemalar qatnovini qiyinlashtiradigan balandroq joy, doʻnglik.

ot Ostona shahrida yashovchi shaxs.

(yoki boshlangʻich daraja) - bu inson samarali tashkil etish uchun muhim ahamiyat kasb etadigan, lekin muayyan sabablarga koʻra u bilan bogʻlanmagan insonning umumiy bilimi, motivlari, xususiyatlari, oʻzini koʻra bilishi va ijtimoiy roli, malakalari

ot Mayin qoʻy junidan sarjali oʻrilish usulida toʻqilgan, kostyumbop va paltobop gazlama.

Boston kostyum.

Odmi koʻylak, trinka nimcha qayoqda-yu, yangi toʻq binafsharang boston kostyum qayoqda. — S. Anorboyev, Mehr

ot 1. ad. Nazm bilan yozilgan ulkan hikoya, qissa; poema.

Navoiyning Layli va Majnun dostoni.

Doston ustida jiddiy ishlay boshladim. — Shukrullo, Saylanma

Maktab darsliklarida uning Koʻkan batrak dostonini alohida dars qilib oʻqitishgan edi. S. — Ahmad, Ufq

Bir oʻlkaki, dunyoda biroq Bitilmagan dostondir bori. — A. Oripov, Yurtim shamoli

2. ad. Xalq qahramonlari haqida nazm va nasrda aytilgan epik asar.

Oʻzbek xalq dostonlari. Fozil Yoʻldoshning Atomish

dostoni.

3. koʻchma Kechmish voqealar; sarguzasht; dard-u hasrat.

Qoʻsh surnaylar uzoqlarning dostonini mungli-mungli chalib oʻtdilar. — Gʻ. Gʻulom, Soyalar

E, aka qoʻying, dostonimni ochmang — Hamza

Bugun zang kemirgan tigʻlar shuʼlasi, Asrlar dostoni bordir ularda. — A. Sher, Qadimgi kuy

4. Ogʻizdan ogʻizga oʻtib yurgan maʼlum, mashhur sarguzasht hikoyalar, gap-soʻzlar, taʼrif-tavsiflar.

El gʻamini bilgan elda doston. — Maqol

Kelinning suluvligi Margʻilonda maʼlum ekanmi? — Malum ekan, tillarda doston ekan. — A. Qodiriy, Oʻtgan kunlar

Toshkent tinchlik, doʻstlik, ham-korlik shahri sifatida tillarda doston. — Saodat

5. koʻchma Ovoz, xonish; sayrash.

Chaka-lakning allaqaysi burchagidan bulbulning dostoni — nagʻmayi hazori eshitildi. A. — Qodiriy, Gʻirvonlik Mallavoy

6. Doston (erkaklar ismi).

ot Kichik bosma mashinasi (Amerikadagi Boston shahri nomidan).