sft. 1. Ongga ega, aql-idrokli.
Ongli kishi,
Har bir ongli ishchi bizning ulugʻ haqiqatimizning tashviqotchisi boʻlishi kerak. — Oybek, Nur qidirib
Axir shu paytgacha, cheksiz koinot qaʼrida bizdan oʻzga ongli mavjudot saqlanib qolganini bila olmagandik-ku?! S. — Siyoyev, Yorugʻlik
2. Ong, aql-idrok bilan bogʻlangan, aql-idrok taqozosi bilan qilinadigan; Shunday ong-tushunchaga asoslangan.
Ongli hayot.
Albatta, bu natija tinimsiz ongli mashgʻulot, oʻz ustida ishlash evaziga qoʻlga kiritiladi. — Fan va turmush
3. Voqelikni, ijtimoiy hayotni, oʻz mavqeyi va tarixiy burchini toʻgʻri tushunadigan; ongi baland; belgili tushunchaga ega, bilimli; madaniyatli.
Oʻqituvchi va oʻquvchi munosabatidagi majburiy itoatkorlik oʻrnini ongli intizom egallashi juda qiyin kechyapti. — Gazetadan
Teshaboy zamonasining besh-olti xotinlik qoloq boylaridan boʻlmay ongli boylardan edi. — M. Ismoiliy, Fargʻona tong otguncha
- Ongli ravishda 1. Ong, aql-idrok taqozosi bilan. Ongli ravishda fikr yuritmoq;Ongli ravishda qilingan ish.