Қидирув

от 1. Фаннинг бирор соҳаси бўйича махсус билимга эга бўлган киши.

Ўзбекистон олимлари. Ёш олим. Тилшунос олим.

2. Умуман, билимли киши.

Олим бўлсанг, олам сеники. — Мақол

Оз-оздан ўрганиб, олим бўлур. — Мақол

Афлотун ҳам, Арасту ҳам замонасининг кўп доно, кўп ақлли олимлари бўлган, шубҳасиз. — П. Турсун, Ўқитувчи

3. Олим (эркаклар исми).

от 1. Олим аёл.

Гулчеҳра опа иқтидорли олима бўлгани учун ҳам ўн икки илмий иш яратишга ва иккита муаллифлик гувоҳномасини олишга муяссар бўлди. — Газетадан

2. Олима (хотин-қизлар исми).

от шв. айн. Ўлакса 1.

— Меҳмонларни ўлимса бўлса, ўзи ўлимсахўр, — деди бири. — С. Айний, Қуллар

от Олимга хос хусусият, хатти-ҳаракат.

Фақат ҳамма тан олган шоирларни тан олиш, фақат обрўга эга бўлганларнинг шеърларига тушуниш олимлик эмас, — Шукрулло, Сайланма

рвш. Олимлар каби, олимларга хос бир ёʻсинда, олимларча.

Олимона кўриниш. Олимона мулоҳаза юритмоқ.

Мен чашначиман. Ишим оғир, масъулиятли, олимона қунт, заргарона маҳорат талаб қилади. — Фан ва турмуш

от 1. Ўлган жонивор, ўлик, ўлакса.

Қузғун, қорақуш, тасқара каби қушлар ўлимтик билан озиқланади.

2. Ўлар ҳолатга етган; ўлакса.

Бу ўша абжағи чиққан жаҳонгир. Бу ўша, ўлимтик жодугар, айёр. — Уйғун

Бу ўлимтикни қаердан топиб келдингиз. Биз берган зотли сигирнинг учдан бирига ҳам тўғри келмайди-ку. — Муштум

3. Заиф, кучсиз.

Чиммат орқасидан ўлимтик товуш эшитилди — М. Исмоилий, Фарғона тонг отгунча

Девордаги кўкиш тун чироғи ўлимтик нур сочади — Ў. Ҳошимов, Баҳор қайтмайди

4. кўчма Очкўз, қурумсоқ.

Ўлимтик одам.