Қидирув

сфт. 1. Ҳаммага маълум, кўриниб турган, аён; очиқ-ойдин.

Ошкор иш. Ошкор зиддият. Ошкор муҳаббат. Касални яширсанг, иситмаси ош-кор қилади. — Мақол

Раҳимов қаҳ-қаҳ уриб кулиб юборди. Унинг кулгисини микрофон ҳаммага ошкор қилди. — С. Аҳмад, Жимжитлик

Нечук, юрак сирларини ошкор этмоқ унга жуда зарур бўлиб қолибди? — Мирмуҳсин, Умид

2. рвш. Яширмасдан, рўйирост; ошкора.

Бу гал, эл-юрт олдида ошкор, тортинмай узоқ; ўпишдилар. — Шуҳрат, Шинелли йиллар

Домла заҳарли экани ошкор сезилиб турган бу чучмал кулгига эътибор қилмади. — М. Исмоилий, Фарғона тонг отгунча

1. айн . ошкор 2.

Ошкора сўзлашмоқ.

Фотиҳа бўлгандан кейин ошкора учрашув уларга ман этилди. Урф шунақа, одат шунақа, начора. — Х. Тўхтабоев, Йиллар ва ёʻллар

Ўзларингиз ошкора гаплашиб олинглар. Орқадан ғийбат қилгунча, ҳар қандай гап бўлса, шартта бетга айтиш керак. — С. Сиёев, Отлиқ аёл

2. сфт. Очиқ-ойдин, ҳаммага маълум бўлиб, кўриниб турган; аён.

Яширин дўстдан, ошкора душман яхши. — Мақол

Шаҳарнинг кўп хуфия ва ошкора савдогарлари Муҳаммадражабга қойил қоладилар. А. Қаҳҳор, — Сароб

[Нури] Қизнинг юрагидаги сирларни бутунлай ошкора қилишни истади. — Ойбек, Танланган асарлар

кт. Ошкора.

от Ошкора хусусиятга эгалик; очиқ-ойдинлик.

Суднинг ошкоралиги.

Ошкоралик салбий ҳодисаларга қарши, жамиятимиз қонунларини бузаётган кимсаларга қарши қудратли қуролдир. — Газетадан

Райком вакили, гарчи ўзи бирон кишининг шаънига танқидий фикр айтмаган бўлса-да, бошқаларни ошкораликка даъват этди. — Ёшлик

be public

н юр. divulging