фл. 1. Ошмоқ 1-7, 9-10 феълларининг орттирма нисбати.
Ойликни оширмоқ. Товуқлар сонини оширмоқ. Ҳосилни оширмоқ.
Дарё сувини баҳор тоширар, одам қадрини меҳнат оширар. — Мақол
Княз сув пулини уч баравар ошириб юборибди. — А. Қаҳҳор, Қўшчинор чироқлари
Одамларнинг руҳини кўтариш, ҳосил-дорликни ошириш керак. — Т. Ашуров, Оқ от
Мавжуд корхоналарнинг ишлаб чиқариш қувватини ошириш билан янги обектлар ҳам барпо этилди. — Фан ва турмуш
2. с. т. Бировга бериб, ўтказиб юбормоқ; пулламоқ, сотмоқ. Жиноят ишини коптоксимон терговдан терговга, суддан судга ошираверди Газетадан.
Агар., қутичани бирор ерга оширган бўлсанг, ҳали ҳам яхшиликча ўрнига қайтар, — деди Ҳожи бобо Шум болага. — Ғ. Ғулом, Шум бола
[Марасул:] Хуморхон шунақа нарсаларга ўч, ўшанга оширамиз. — А. Қаҳҳор, Оғриқ тишлар
3. Бўрттирмоқ, муболаға қилмоқ.
Мақтовини оширмоқ.
— Ёʻқ, сиз жуда ошириб юбордингиз, Сайфуллахўжа, — деди бошини чайқаб, — сизларникида кунига уч-тўрт маҳал эмас, бир маҳалгина иссиқ овқат ер эдим. — П. Турсун, Ўқитувчи
Сидоров ошириб юборганини тушунди. — Э. Самандар, Дарёсини ёʻқотган қирғоқ
4. Маълум чегара ёки баландликдан ўтказмоқ.
Бу сафар Ҳабибулло полвон Куллалик полвонни елкаси узра ошириб, отиб ташлади. — Т. Ашуров, Оқ от
Тўрт-беш метр баландга етганда, инқиллаб, қанордаги тупроқнинг ярмини елкасидан ошириб тўкади-да, қолганини дўнгга опчиқиб кетади. — С. Аҳмад, Уфқ
- Бошидан (ёки ўзидан, елкасидан) оширмоқ Масъулиятни бировга юклаб, ўзини ташвишдан, ишдан холи қилмоқ.
- Оширмай-тоширмай Қандай бўлса ўша ҳолича; бўрттирмай, муболаға қилмай. Кунлар ўтаверди. Умид асло пинагини бузмади. Комиссияга бор ҳақиқат гапни оширмай-тоширмай айтди. — Мирмуҳсин, Умид
- Амалга оширмоқ Ўйлаган режасини амалга оширмоқ.