Қидирув

от 1. Жон-тан роҳати; дам олишдан, тинчликдан, осойишталикдан топиладиган роҳат, ҳузур.

Ором бермоқ. Ором олмоқ.

[Навкарларнинг/ Ҳайқириқ ва сўкинишлари бева-бечораларнинг оромини бузар ва чўчитарди. — Ш. Тошматов, Эрк қуши

Сув жилдираб оқар, унинг салқини кун бўйи иссиқдан пишган қизларга ором бағишларди. — С. Зуннунова, Гулхан

2. Тинчлик, осойишталик.

Сокин тун оромини онанинг ноласи бузди: — Ёлғизимдан жудо қилдинглар-ку, қон қусгурлар. — Газетадан

от 1. Кишилар дам оладиган, роҳат қиладиган жой.

Раҳимага ҳамроҳ бўлиб келганларнинг кўпи ёʻлнинг нариги бетида — ёнғоқзордаги меҳмонлар учун қурилган оромгоҳда қолишди. — С. Аҳмад, Жимжитлик

2. Мактаб ўқувчиларининг ёзги таътилда дам олиши учун қурилган жой.

Соғлом авлод йилида 26 мингдан зиёд ўғил-қизлар вилоятимиз ёзги оромгоҳларида дам олиб, янги куч-ғайрат тўпладилар. — Газетадан

Ёз фаслининг жазирамасида таътилни мазмунли ўтказишни истаган болажонларнинг аксарияти турли оромгоҳларга ошиқадилар. — Газетадан

сфт. 1. Танга ором берувчи.

Оромижон ичимлик хиллари тобора кўпайиб боряпти. — Фан ва турмуш

Муздек сувда яйраб-яшнаб қулоч отиш бир роҳатижон, ўзни офтобга тоблаб ётиш бир оромижон. — М. Мансуров, Ёмби

2. кўчма Севикли ёр, маҳбуба.

Эй менинг нозик ниҳол, оромижоним, қайдасан, Бу кўн-гил бўстонида ғунча даҳоним, қайдасан? — Машраб

сфт. Ором берувчи; роҳат, ҳузур, осойишталик бағишловчи.

Оромбахш шабада.

Эй, қуёшли республикам, сен Шарқ машъали, Оромбахшдир қучоқларинг, тотли, нашъали. — Ғайратий

Хонага баҳор ҳавосининг оромбахш нафаси кирди. — Газетадан

от Оромини ёʻқотган кишининг ҳолати; нотинчлик, беоромлик; бетоқатлик.

Шу ёʻсин оромсизлик ва бесаранжомлик ичида унинг [Отабекнинг] ой-кунлари ўтиб турар эди. — А. Қодирий, Ўтган кунлар

от Дидга мос келадиган, кўнгилдагидек, ёқимли.

Пором келмоқ.

— Бу ер менга пором келиб қолди. Хизматни аямадим, — деди Шум бола. — Ғ. Ғулом, Шум бола

Комиссиянинг сўзлари Авазбойга унча пором келмади. — Н. Сафаров, Оловли излар

Кино муҳаббатдан баҳс қиладиган бўлганидан жуда дуруст, айниқса, менга пором эди. — Ғ. Ғулом, Танланган асарлар