Qidiruv

ot 1. Toʻrtdan bir ulush; teng toʻrt boʻlakning har biri.

Chorak asr. Chorak kam bir soat.

Men Abdulla Qahhor bilan chorak asr turmush kechirib, Xotinni xotin qiladigan ham er degan xulosaga keldim. — K. Qahhorova,Chorak asr hamnafas

2. Oʻquv yilining toʻrtdan bir qismi.

Birinchi chorak. Chorak baholari.

Uchinchi chorakning oxiri edi. — Yoshlik

Usha yili kuzda Begimxon yettinchi sinfning birinchi choragidan ketib qoldi. — I. Rahim, Chin muhabbat

3. shv. Baʼzi hududlarda besh pud (87,36 kg) ga, baʼzi joylarda besh qadoqqa, yaʼni ikki kilogrammga (kichik chorak), baʼzi joylarda esa oʻn qadoqqa, yaʼni 4,1 kg ga (katta chorak) teng ogʻirlik oʻlchovi.

[Qodirqul:] Unday boʻlsa, meni bankaga tashlab kelasan-da.. ombordan yarim chorak guruch olib, sekingina bogʻ tomondan Nurmat akangnikiga oʻtkazib qoʻyasan. — Hamza, Burungi saylovlar.

sft. 1. Baxt keltiruv-chi; xayrli, ezgu, qutlugʻ.

[Hasanali:] --Koʻray-chi, qadamim muborak boʻlarmikin, — deb qoʻydi. — A. Qodiriy, Oʻtgan kunlar

2. Tabarruk, muqaddas, aziz.

Bektemir xaltachani, goʻyo muborak joydan kelgan aziz doʻstining sovgʻa-salomi kabi, hayajon bilan ochdi. — Oybek, Quyosh qoraymas

— Ota, agar muborak tuprogʻimizda soʻnggi inglizning shum izini oʻchirmasak, Pokiston vatanparvarlar uchun nopokdir! — dedi Ahmad Husayn. — Oybek, Nur qidirib

3. Tabriklash, qutlash iborasi.

Sarupolar muborak.

[Oʻzbek oyim:] Oʻgʻil muborak boʻlsin, bolam! — A. Qodiriy, Oʻtgan kunlar

Toʻrt yil jafo chekkan vatandosh oʻrtoq, Bu yilgi bayraming muborak endi. — Gʻ. Gʻulom

4. Muborak (xotin-qizlar va baʼzan erkaklar ismi).

ot 1. Asosan, Oʻzbekistonning Qorakoʻl tumanida yetishtirilgan, hozirgi vaqtda iqlim sharoitlari oʻxshash boshqa hududlarda ham tarqalgan, qoʻzisidan jingalak yungli moʻyna olinadigan zotli qoʻy navi.

Dara., qanday dilbar manzara: kungay qiyaliklar, qorakoʻl qoʻylari yuz dardga davo musaffo havo — K. Yashin, Hamza

2. Shunday qoʻy qoʻzisining yuqori navli jingalak terisi, moʻynasi.

Qorakoʻl tayyorlash. Qorakoʻl teri. Qorakoʻl quloqchin. Qorakoʻl yoqa

Paxta, ipak, qorakoʻl — Boyliklaring muncha moʻl. — Yo, Mirzo

ot 1. Koʻzlari qora boʻlgan, qora koʻzli.

2. ot Koʻchma s. t. farzand.

Toʻrtta qorakoʻzim.

ot tar. Boylar yerida, olinadigan hosilning toʻrtdan uch qismini yer egasiga berish sharti bilan yollanib ishlagan, oʻz yeri yoki ot-uloviga ega boʻlmagan dehqon.

[Hasan:] Ana shu men olaman deb turgan yerni Doʻsmatboyning chorakori olib qoʻymadimi? — Hamza, Burungi saylovlar

ot 1. Oldinga undalsa, orqaga tisarilaveradigan, yurmaydigan; asov (ot haqida).

2. koʻchma s. t. Oʻjar, qaysar.

Sim qoqilgan joyga hozirman oʻjar, qorakash xotinlar boʻlsa ham, bir minutda oʻzimga rom qilib sezdirmay ishlayman. — Mushtum