Поиск

fl. 1. Kimsani orqasiga mindirib koʻtarmoq, koʻtarib yurmoq.

Bolani opichmoq.

Agar dunyoning narigi burchagiga sizni opichib borishga toʻgʻri kelsa, men suyuna-suyuna bajarardim. — Oybek, Tanlangan asarlar

2. Kimsaning orqasiga minmoq, minib yopishib bormoq.

— Toʻlqinboy, — dedi Gʻani ota yelkasini bolaga tutib, — qani opichib oling, saroyga tushamiz. — H. Gʻulom, Mashʼal

Qani, azamat, menga opich, mardona ishing bu yerda tugadi. — V. Gʻofurov, Vafodor

ot Sevish, erkalash ifodasi sifatida lab tegizish; boʻsa.

Xotin uning harakatidan oʻpich ber degan maʼnoni angladi-da: — Oʻpichmi? Hech boʻlmasa, shuni toʻgʻri ayta qolsangiz, nima boʻlar ekan! — dedi. — A. Qahhor, Asarlar

fl. 1. Opichmoq 1.

Men nima qilibmanki, kolxozni opichlab katta qilgan odamlar qatori Qoʻshchinorning xoʻjayini boʻlaman. — A. Qahhor, Qoʻshchinor chiroqlari

2. koʻchma Koʻtarmoq, tutib turmoq.

Yelkasida ulkan dardni opichlab, Daraxtlar titraydi gʻamgin, bezabon. — Yoshlik

3. koʻchma Yetaklamoq, qoʻllab-quvvatlamoq.

Kechirasiz-u, domla, sizni Sulton aka opichlab, shu darajaga yetkazdi. — Yoshlik

4. Tishda tishlab, orqada opichlab Koʻz qorachigʻiday saqlab, ardoqlab.

Men bu bolani tishimda tishlab; orqamda opichlab katta qilganman.

fl. Opichlamoq feʼlining orttirma nisbati.

fl. Opichmoq feʼlining orttirma nisbati.

fl. Opichmoq.

Eʼzozxon Toʻlqinni opichqilab, Uchqunni qoʻliga koʻtarib olib, bazoʻr qadam tashlab borayotibdi. — H. Gʻulom, Mashʼal