Поиск

ot 1. Musiqali-dramatik sanʼat janri va shu ruhdagi sahna asari.

Gulsara operasi.

Koʻpchilik ijodkorlar yubileyga munosib tuhfalar tayyorlash uchun drama, musiqali drama, opera, vokal-xoreografik simfoniya, syuita va boshqa sahna asarlari yaratishmoqda. — Gazetadan

Sanʼatga ishtiyoqi baland Malika Mamatova u vaqtlarda hali opera nimaligini bilmaydigan sodda qiz edi. — Gazetadan

2. Shunday asar ijro etiladigan teatr.

Bugun operada Maysaraning ishi qoʻyiladi. Oʻzbek davlat opera va balet teatri.

Mamlakatimizda oʻsha yillarda drama, opera davlat teatrlari ochildi. — Gazetadan

sft. 1. Harbiy operatsiyaga oid, harbiy operatsiya bilan bogʻliq boʻlgan.

Operativ karta. Operativ maʼlumot.

2. Topshiriqni yoki oʻz vazifasini tez va amaliy hal etadigan, bajaradigan.

Operativ guruh. Militsiya boʻlimining operativ vakili.

Shoshilinch operativ gruppa tuzilib, Toshkent-Qarshi yoʻllariga hushyor turish topshirildi. — S. Ahmad, Yulduz

3. Tezlik, zudlik bilan amalga oshiriladigan, tez qoʻllanadigan; tez, ishchan, amaliy.

Operativ choralar. Operativ ishlamoq. Masalani operativ hal qilmoq.

ot 1. maxs. Murakkab mexanizmlar ishini pult yordamida boshqarib turadigan mutaxassis.

Mashinalarni boshqarish operatordan ziyraklik, chaqqonlik hamda muayyan malakani talab qiladi. — Fan va turmush

Bu yerda oʻquvchilarga chuqurlashtirilgan bilim berish bilan birga EHM operatori, ish yurituvchi mutaxassisligi boʻyicha ham diplom beriladi. — Gazetadan

2. Kino-, tele- hamda videofilmni suratga oluvchi.

Film operatori.

Azizxonning boyagi qanor koʻtarishini kinoga olgan xronika operatorlari asbob-uskunalarni yelkaga ortib qaytishayotgan edi. — S. Ahmad, Ufq

3. Kompyuterlarda axborotlarni qayta ishlashda maʼlum maqsadda dastur tuzish koʻrsatmasi.

4. mat. Ikki toʻplam elementlarining oʻzaro mos kelishini ifodalaydigan matematik tushuncha.

Kvant mexanikada operator bilan muhim amallar bajariladi. — OʻzME

sft. Boshqarishga aloqador (kompyuter texnologiyalarida).

Operatsion tizim.

ot 1. Baʼzi kasalliklarni davolash maqsadida kasallangan joyni jarrohlik yoʻli bilan yorish, kesish, tikish.

Koʻz operatsiyasi. Operatsiya stoli.

U vrachlarning taklifini kutmay, operatsiya xonasi yoniga oʻzi chiqib turdi. — T. Ashurov, Oq ot

2. Biror maqsadni koʻzlab yoki biror operativ yoki strategik vazifani bajarish uchun yagona reja boʻyicha va kelishilgan vaqtda olib boriladigan jang harakatlari majmui.

Jangovar operatsiya. Operatsiya kartasi.

Mayor Maqsud Soliyev yarim tunda operatsiyani yakunlab, uch oydan beri izma-iz quvib kelayotgan jinoyatchini qoʻlga olgach, uyga qaytgan edi. — Yoshlik

Har kun aktiv operatsiyalar olib borildi: Varshava yoʻllariga pistirmalar qoʻyildi, minalar koʻmildi. — I. Rahim, Chin muhabbat

3. Savdo, moliya, pochta, sanoat, kompyuter, sugʻurta va boshqalar bilan bogʻliq vazifalarni bajarishga qaratilgan faoliyat yoki xatti-harakat.

Bank operatsiyalari.

Bugungi kunda 6 ming kichik va xususiy kor-xona hisob-kitob raqamida hech qanday operatsiya amalga oshirilmagan. — Gazetadan

4. Texnologik jarayonning bir ish joyida bajariladigan alohida bir qismi.

Detalga sayqal berish operatsiyasi. Bitta transformator ishlab chiqarish uchun qanchadan-qancha operatsiya bajariladi.

ot Operativ xususiyatga egalik; tezlik, amaliylik.

Operativlik koʻrsatmoq. Operativlik bilan ish qilmoq.

Toshkentdan besh-olti ming kilometr narida kechayotgan shaxmat voqealari gazetamiz sahifalarida operativlik bilan yoritib borilayotgani muxlislarni juda quvontirmoqda. — Gazetadan