Qidiruv

sft. Hazilga oʻxshash, hazil aralash, nojiddiy.

Ziyodaxon, zuvala uzar ekan, hazilomuz javob berdi: — Unaqa odam emasligingizni hali oʻzlari ham bilmaydilar. — A. Qahhor, Qoʻshchinor chiroqlari

Savolni ifodalovchi, savolli; savol tariqasidagi, savol maʼnosi bilan.

Sherbek Saidgʻoziga savolomuz boqdi. — S. Anorboyev, Oqsoy

Qirmizxon kirib, unga [boshliqqa] savolomuz qaradi. — N. Aminov, Yolgʻonchi farishtalar

Buyruq tarzida; buyruq ohangidagi, buyruqnamo.

Toyloqovning gapi buyruqomuz boʻlib, u goʻyo Onaxonning kelishiga yuz foiz ishonganday gapirardi. — Mirmuhsin, Ildizlar va yaproqlar

Avvaliga bolaning buyruqomuz gaplari erish koʻrinsa-da, borib-borib hamma koʻnikib ketdi. — S. Zunnunova, Koʻk chiroqlar

Men mezbonlar bilan xayrlashib, xursand boʻlib, koʻchaga chiqqanimda, Uygʻurning buyruqomuz ovozini eshitdim: — Ovozingizni ehtiyot qiling!\. — Nosirova, Men oʻzbek qiziman

Buyruq ohangida, buyruqqa oʻxshagan.

Ellikboshi yana oʻshqirib, farmonomuz gaplar ayta boshladi. — Mirmuhsin, Choʻri

sft. 1. Kishini hayratga soladigan, hayron qoldiradigan, taajjublantiradigan.

Navkarlarning hayratomuz hozirjavobligiga Qurbon qoyil qoldi. — Sh. Xolmirzayev, Qil koʻprik

Bola xotirasining hayratomuz oʻsayotgani katta-kichikni tong qoldira boshladi. — Gazetadan

Usta Shirinlarning meʼmorchilik sanʼati oʻz goʻzalligi bilan hayratomuzdir. — N. Safarov, Olovli izlar

2. Hayrat ifodali, hayratli holda.

— Koʻp shaharlarni bilar ekansiz, — dedi Meʼmor hayratomuz — Mirmuhsin, Meʼmor

Vali tabiat qoʻli bilan yasalgan haykalga hayratomuz tikildi. — S. Karomatov, Bir tomchi qon