fl. Olmoq feʼlining orttirma nisbati.
Soch oldirmoq. Tish oldirmoq.
Mohira oyim har bir hayitda biror oylar ilgari eriga aytib, bolalariga kiyimlik oldirar edi. — A. Qodiriy, Oʻtgan kunlar
- Oling, oldirmang Muvaffaqiyat tilash iborasi. Xudo hammangizga quvvat bersin! Olinglar, oldirmanglar!Omin/ — M. Ismoiliy, Fargʻona tong otguncha
- Ogʻizdagini (yoki ogʻizdagi oshni) Oldirmoq Qoʻldan chiqarmoq, boy bermoq. Aqlsiz ogʻzidagini oldirar. — MaqolYormat uni [Yoʻlchini] odamlar oldida boʻsh-bayovlikda aybladi: — Bu nima, ogʻizdagi oshni oldirish? — dedi. — Oybek, Tanlangan asarlar
- Yurak oldirmoq Qoʻrqib qolmoq, choʻchib qolmoq. Madamin yuragini oldirib, oʻz koʻlankasidan qoʻrqadigan boʻlib qoldi. — P. Tursun, Oʻqituvchi
- Oʻzini oldirmoq Oriqlab, etdan tushib qolmoq. — Siqilmang, aslo siqilmang, xonim Aks holda, oʻzingizni oldirib qoʻyasiz, — dedi Hamdamiy Munavvarga. — S. Anorboyev, MehrPalonchining xotini haliyam oʻzini oldirmabdi, desa yomonmi? — S. Ahmad, Yulduz
- Oʻt oldirmoq 1. Oʻt yoqmoq. Yuk mashinasida olib kelingan samovarlar tushirildi, qutida olib kelingan oʻtin-koʻmirlar birpasda qalanib oʻt oldirildi. — S. Ahmad, JimjitlikTraktorni oʻt oldirmoq.Motorni oʻt oldirdi. — S. Ahmad, Ufq