от 1. Турли бошоқли экинлар, беда, пичан ва ўтларни қўлда ўриш учун ишлатиладиган, бели букик, ўткир тиғли меҳнат қуроли; қўл ўроқ.
Ёʻлчи ўроққа диққат билан тикилиб қаради ва энкайиб ўра бошлади. — Ойбек, Танланган асарлар
Даштдаги буғдой асосан ўроқ билан ўрилгани учун, машоқ фақат янтоқ қалин жойлардагина кўпроқ учрарди. — О. Ёқубов, Эр бошига иш тушса
2. с. Т. Ўриш иши; ўриш жараёни.
Авжи ўроқ пайти. Ўроқда ёʻқ, машоқда ёʻқ, хирмонда — ҳозир. — Мақол
Қирдаги буғдойлари, қўриқлардаги деҳқончиликларини саранжомлагандан кейин Бердибой тўқайга шоли ўроққа кетади. — А. Қодирий, Обид кетмон
- Чалғи ўроқ Эҳе, машина лиқ тўла темир асбоб. Бир хили чалғи ўроққа ўхшаб тиғи қайрилган. — Ҳ. Назир, Чўл ҳавоси
- Ўроқ ўрмоқ Очил омочга бўйи етиб-етмай қўш ҳайдаган, ёз ойларида отасига қўшилиб ўроқ ўрган, тоғларда қўй боққан. — П. Қодиров, Уч илдиз
- Қўл ўроқ [Сотволди:] Айтгандай, бир қўл ўроқ, бир чалғи, кетмондан иккита. — П. Турсун, Ўқитувчи
- Ўтганнинг ўроғини, кетганнинг кетмонини олмоқ Дуч келган кишига озор бермоқ, безорилик қилмоқ. — Ўша кезлари Бургут босар-тусарини билмай, медалларини жаранглатиб, ўтганнинг ўроғини, кетганнинг кетмонини олиб юрди, — деди чол. — С. Аҳмад, Чўл бургути