Qidiruv

Tarmoqni doimiy ravishda kezib veb-sahifalardan axborot yigʻib yuruvchi (ularni indekslovchi) maxsus dastur (izlash roboti, avtomati, agenti, oʻrgimchak, qurt). Odatda “oʻrgimchak” oʻz eʼtiborini hujjat tavsifiga va sarlavhalarga qaratadi, baʼzan hujjat matnini koʻrib chiqadi va qaysi soʻzlar va iboralar kalitli ekanligini tushunishga harakat qiladi. Indekslashning asosiy obyekti – matnlar. Biroq, rasmlar, mp3, dastur arxivlari, yangiliklar va h.k.ni indekslash imkonini beruvchi “oʻrgimchaklar” ham mavjud.inglizchaspiderruschaпаук

Internetdagi resurslarni izlash va ulardan foydalanish uchun gipermatn tizimi. UOʻT ushbu tarmoqdagi kompyuterlarda saqlanayotgan barcha maʼlumotlarni, ularni bogʻlovchi gipermurojaatlar tizimi orqali koʻrib chiqish imkonini yaratuvchi Internet xizmatlari majmuini taqdim etadi. UOʻTning apparat taʼminoti asosini butun dunyoda joylashgan va Internetda birlashgan koʻplab kompyuterlar tashkil etadi. UOʻTning axborot asosini veb-hujjatlar deb atalgan, ushbu kompyuterlar xotirasida saqlanayotgan gipermatnga asoslangan hujjatlar tashkil etadi. Veb-hujjatlardagi ishoratlar orqali foydalanuvchi boshqa hujjatlarga oʻtishi mumkin. UOʻT Internetdagi kompyuterlar fayllar va hujjatlarni uzatish protokollaridan foydalanganligi sababli, ushbu atama odatda umumjahon kompyuterlar tarmogʻini ham, axborotning oʻzini ham bildiradi. Veb-hujjatlardan foydalanish mijoz-server arxitekturasi asosida amalga oshiriladi. Serverdan hujjatni olish uchun uning hammabop resurs koʻrsatkichi (q: URL) deb ataladigan tarmoqdagi manzili qoʻllaniladi. UOʻT mijoz va serverlari oʻzaro muloqotda boʻlgan til va qoidalar gipermatnli axborot uzatish protokoli (HTTP, q: gipermatnli axborot uzatish protokoli) tomonidan belgilanadi. HTTP matn, tasvir, tovushlarga ega gipermedia maʼlumotlarini soʻrash, qabul qilish va aks ettirish imkonini beradi.inglizchaworld wide web (WWW)ruschaвсемирная паутина