Qidiruv

ot 1. Oʻralgan holga keltirilgan, oʻrab qoʻyilgan.

Ikki oʻram ip.

Oysha traktor orqasidagi bir oʻram arqonni olib, unga uloqtirdi. — S. Ahmad, Ikki hikoya

Bir oʻram qogʻoz oldi yana. Bu mayda harflar bilan qora siyohda koʻchirilgan gʻazallar. — S. Siyoyev, Yorugʻlik

Xiva zargarlari ziynatlagan tilla buyumlar, toy-toy ipak oʻramlari imperator janoblariga peshkash qilinadi. — S. Siyoyev, Avaz

2. Oʻralgan narsaning har bir qavati.

Bemorni karavotga yotqizishdi. Ikki hamshira birin-sirin doka oʻramlarini yecha boshladi. — R. Rahmon, Mehr koʻzda

3. Taxlab biror narsa bilan oʻralgan, oʻrab tugilgan.

Dasturxonga bir oʻram qogʻoz pul qoʻydi. — N. Maqsudiy, Yuksalish

Ertasiga Amatjon Toʻlgʻonoyning qolgan-qutgan sepini, uch-toʻrt koʻrpa-yostiq, bir oʻram idish-tovoq olib kelib berdi. — A. Muxtor, Qoraqalpoq qissasi

4. Bir oʻrashga yetarli, bir marta oʻrasa boʻladigan.

Bir oʻram maxorka.

5. Biror nimalar bilan oʻralgan, oraliqda boʻlgan joy.

Ikki qoʻshin bir-biri bilan aralashib, qilich solishardi Yaralangan otlar oʻram ichida choʻloqlanib, kishnab yurardi. — Mirmuhsin, Meʼmor

6. esk. Ijtimoiy, hududiy va shu kabilar jihatdan alohida, mustaqil boʻlgan joy, mahalla, xoʻjalik va shu kabilar

Oʻramlarga tarqaldilar ul guruh, Boʻlib mavji daryo kabi koʻh-koʻh. — S. Xondayliqiy

Ayyor ekan shu oʻramning qizlari, Yaxshi yorim yomon yoʻlga solibdi. — Oq olma, qizil olma

Aslida bu ikki shikoyatchining arzi, rayon u yoqda tursin, xoʻjalik oʻramidan tashqariga chiqqulik emasdi. — Mushtum

ot 1. Bir necha marta aylantirib oʻralgan, oʻrab bogʻlangan.

Jonuzoq ot Oʻrama belbogʻiga qistirigʻliq turgan irgʻay dastali qamchisini oʻynay boshladi. — S. Anorboyev, Oqsoy

2. sft. s. t. Buralib-buralib ketgan.

Olqor shoxi oʻrama, gapni sochday burama. — Qoʻshiqlar

3. ot Yoyilgan yupqa xamirni kesib, oʻziga xos shaklda yogʻda qovurib tayyorlangan taom, pishiriq.

Bunday moʻrt xamirdan pechenye, chakchak, oʻrama kabi taomlar tayyorlansa, ogʻizda uqalanib turadi. — K. Maxmudov, Oʻzbek tansiq taomlari

4. ayn. Oʻram 1.

Bu (ich) mahsulotlarning har biridan har xil yaxna ovqatlar poʻstdumba oʻramasi kabi qator tansiq taomlar pishiriladi. — K. Mahmudov, Oʻzbek tansiq taomlari

U mayda-chuydalarni qalamdon ichiga solib, uni qogʻoz orasiga qoʻyib, oʻrab, los bilan bogʻladi, meni xurjunsiz eshakka mindirib, oʻramani oldimga qoʻyib, Soktarega joʻnatdi. — S. Ayniy, Esdaliklar

fl. 1. Oʻram, kalava qilish uchun aylantirmoq, oʻram, kalava hosil qilmoq.

Gazetani oʻramoq. Kartonni oʻramoq.

Ovqatdan soʻng enam xira chiroq yorugʻida, oʻzlaricha qandaydir qadimiy ashulani xirgoyi qilib, kalava oʻrardilar. — Saodat

2. Ip, sim va shu kabilarni biror narsa ustidan aylantirib, oʻram holiga keltirmoq.

Ipni chillakka oʻramoq. Arqonni belga oʻramoq.

Ipaklarni naychaga oʻraydigan, kalavalaydigan dastgohlar bir maromda ishlamoqda. — Gazetadan

Baʼzan yigitlar bellariga yoʻgʻon simni uch-toʻrt qavat qilib oʻrab keladilar. — S. Siyoyev, Yorugʻlik

3. Boshni berkitmoq, boshga yopmoq, tangʻimoq.

Durracha oʻramoq.

Xotin boshidagi jun roʻmolini oldi-da, bir-ikki qoqib, yana oʻradi. — M. Ismoiliy, Fargʻona tong otguncha

4. Aylantirib, aylanib, atrofini toʻsmoq.

Hovlini taxta devor bilan oʻramoq. Bogʻni panjara bilan oʻramoq.

Zirklar toʻrt tarafni devordek oʻrab turar edi. — P. Qodirov, Qora koʻzlar

Atrofni osmonoʻpar togʻlar oʻrab olgan. — K. Yashin, Hamza

5. Atrofidan, ustidan aylantirib band qilmoq, ichiga olmoq, berkitmoq.

Boʻyinga sharf oʻramoq. Yarani bint bilan oʻramoq.

6. Ustidan biror narsa bilan mahkamlab bogʻlamoq, ichiga olmoq.

Narsalarni qogʻozga oʻramoq.

Ahyon-ahyonda tamaki oʻrash uchun ham qogʻoz topolmay, diqqinafas boʻladi kishi. — T. Rustamov, Mangu jasorat

7. Qoplamoq, qurshamoq.

Koʻkni oʻrab olgan qora bulutlar ham toʻs-toʻsga boʻlinib, oy ham qora parda ichidan yarim yuzini ochib, yer yuziga moʻralab qoʻydi. — A. Qodiriy, Oʻtgan kunlar

shamol endi boʻronga aylanib, aravalarni sariq chang oʻray boshladi. — Mirmuhsin, Meʼmor

8. koʻchma Ishgʻol qilmoq, band etmoq, egallamoq; bosmoq.

Hozir uning yuragini boshqa bir haqiqat tirnay boshlagan va vijdonini faqat shu masalagina oʻrab olgan edi. — A. Qodiriy, Oʻtgan kunlar

Uning yuragini qarama-qarshi hislar, kechinmalar oʻradi. — Oybek, Tanlangan asarlar

Deniz kuvvetlerinde en yüksek rütbeli subay, amiralADMIRAL

fl. Oʻram holatiga keltirmoq; oʻram qilmoq.

Gazetani oʻramlamoq. Gazlamani oʻramlamoq.

Ikkita simni bir-biri atrofida oʻrash orqali tashkil qilinadigan kabel. Bu oʻzaro shovqinlar va elektromagnit toʻlqinlar taʼsirini kamaytirish imkonini beradi.inglizchatwisted pairruschaвитая пара