Қидирув

от 1. Танноз аёлларга хос сериш ва ҳаракат, қилиқ; ишва, карашма.

Ноз қилмоқ.

Сўз билан, ноз билан, ҳангома билан йигитларнинг кўкрагига ўт солади қирғиз қизлари. — Ойбек, Танланган асарлар

Дилбар қизнинг қилиғи, нози яхши, Сўзнинг ози, машшоқнинг сози яхши! — Ё. Мирзо

2. Ўз қадрини ошириш учун қилинадиган ноўрин талаб, ортиқча эркалик; таранг қилиш.

Қизи борнинг нози бор. — Мақол

Касали нима, озиб кетибди келинчак онамиз?— Муғамбирлик, эркалик, ноз! — Ойбек, Танланган асарлар

[Нури] Ёʻлчини ёдларкан, унинг юрагида энди ғазаб қўзғалар эди Ким у? Нега мунча ноз қилади, кеккаяди? — Ойбек, Танланган асарлар

3. Нозик; жиззаки.

Бошим тоз, кўнглим ноз. — Уйғун

4. кўчма Майинлик.

Гумарда ноз, Елларда ноз, Кел, чаманда қил парвоз! — Т. Тўла, Оромижон

сфт. 1. Юксак маҳорат ва санъат билан жуда бежирим қилиб ишланган; нафис, латиф.

Искандаров ҳавас ва таажжуб билан биноларга, бой жиҳозларга, айниқса, нозик санъат буюмларига, эшик ва деразаларга назар ташлаб қўярди. — Ойбек, Нур қидириб

2. Ингичка; юпқа, ҳарир.

Нозик ип.

Дуторнинг нозик торларидан чиққан Наво куйи ўз ноласига тушунгувчи Отабекдек йигитларга жуда муҳтож эди. — А. Қодирий, Ўтган кунлар

3. Юпқа, ҳарир.

У гунафша гулли нозик батис кўйлак кийиб, чойшабни томоғигача тортиб, журнал ўқиб ётарди. — Ойдин, Ҳикоялар

4. Бежирим, латиф; хипча.

Момиқ пахталар унинг нозик бармоқларига ўзи илашиб чиқар, чаноқлар ҳайратдан оғиз очиб, силкиниб қоларди. — Ў. Ҳошимов, Қалбингга қулоқ сол

Иигит маҳбубасининг нозик қўлларидан тутиб, ўзига тортарди. — С. Анорбоев, Оқсой

Мурзин унинг паришон сочларини, нозик бўйнига ёпишган майин, жонсизгина соч толаларини томоша қиларди. — Шуҳрат, Шинелли йиллар

5. Заиф, нимжон.

Нозик майса.

Укамни дурустроқ жойга ўрнаштиринг, ўзи нимжон, нозикроқ бола., шамоллаб-нетиб қолмасин. — П. Турсун, Ўқитувчи

Нозик, ранг-баранг парвоналар, капалаклар лампа атрофида айланар эдилар. — Ойбек, Танланган асарлар

6. Мулойим, майин ва ёқимли, назокатли.

Нозик табассум.

Дилхирож

ўзининг майда қадами, нозик ҳаракатлари билан даврага кириб келди. — М. Исмоилий, Фарғона тонг отгунча

Халқ кўнглини овлаган, Улфатда доим. Овози жонга ёқар, Нозик, мулойим. — Қ. Муҳаммадий

У куйнинг сеҳрига берилиб, интизор кўзларини нозик юмди, бошини қуйи солди. — Шуҳрат, Шинелли йиллар

7. Салга синадиган, узиладиган, йиртиладиган; бўш, мўрт.

Нозик буюм. я Олимовнинг қўлидаги юклар ҳамманикидан оғирроқ, нозикроқ эди. — Ҳ. Назир, Сўнмас чақмоқлар

8. кўчма Ўзига хос қийинчиликлари бўлган, алоҳида маҳорат, малака, билим талаб этадиган.

Ғўза суғориш — нозик иш. — Ойбек, Олтин водийдан шабадалар.

9. кўчма Ўз ишини майда икир-чикирларигача яхши биладиган; уста.

Секретарнинг отаси нозик гулчи эди. — Ойбек, Олтин водийдан шабадалар

10. кўчма Алоҳида эҳтиёткорлик талаб этадиган; қалтис.

Нозик масала. Нозик пайт. Нозик аҳвол.

Асрора ўйлаб қараса, кўнгил иши нозик нарса экан. — С. Аҳмад, Уфқ

— Кейинги пайтда замон нозик бўлиб қолди, — афсус билан бош чайқарди Ўсар бухгалтер. — А. Кўчимов, Ҳалқа

Бўлмаса, селпо раислигидай нозик лавозимда ўн-ўн беш йил муқим ишлаш осонми?!Ў. — Ҳошимов, Қалбингга қулоқ сол

11. кўчма Алоҳида эътибор, мулозамат, такаллуф талаб этадиган, иззатталаб.

Нозик меҳмон.

— Хўжайин банд, олдиларида нозик одам бор. Мажлис қилишяпти, — деди секретар. — С. Абдуқаҳҳор, Санамай саккиз дема

12. кўчма Қичиқли; инжиқ.

Бобоқулнинг кўзларидаги нозик киноя унинг иззат-нафсига ханжардек қадалди. — Ойбек, Навоий

13. Нозик (хотин-қизлар исми).

от 1. Назорат қилиб турувчи; назоратчи, қаровчи, мудир.

Қироатхонанинг бир нозири бўлиб, газетхон, китобхон ўқувчилардан йигирма тийиндан ҳақ олиб турарди. — М. Муҳаммаджонов, Турмуш уринишлари

2. Бажарилаётган иш-ҳаракатнинг тўғрилигини, мавжуд қонун, қарор ва низомларга риоя қилиб амалга оширилишини назорат қилувчи мансабдор шахс, инспектор.

Солиқ идораси нозири.

3. эск. Вазир, министр.

Валихон мерган парини Бухорога элтишни, олий ҳазратларининг ўзларига совға қилишни, эвазига тезроқ нозир ёки қушбеги бўлишни хаёлидан ўтказди. — Ш. Тошматов, Эрк қуши

сфт. 1. Ишвали, серишва; танноз.

Юлдузхоннинг нозли кўзларидаги сирли маъно Муҳиддинни мафтун этди. — Р. Файзий, Чўлга баҳор келди

— Вой, сиз эплаёлмасангиз, ким эплай оларди? — жувон Хўжабековнинг кўзларига нозли боқди-да, ерга қараб олди. — С. Анорбоев, Оқсой

2. Ортиқча эркалик талаб қилувчи, нози бор.

от айн. Ноз-карашма.

от Қадди-қомати келишган ва гўзал (қиз, аёл ҳақида).

Ана шу йигитнинг [Отабекнинг] олган хотини жуда ҳам нозанин бир қиз бўлиб, бу қизга бизнинг Ҳомид ҳам харидор экан. — А. Қодирий, Ўтган кунлар

[Бой:] Ҳе пишмаган, хом калла! Бу нозанин увол! Чўриликка эмас, бекачликка арзийди-я! — Ҳамза, Бой ила хизматчи