Qidiruv

ot Oʻzaro kelishmovchilik yoki qarama-qarshilik, dushmanlik, adovat orqasida tugʻilgan holat, munosabat; ixtilof, nifoq.

Davlatlar oʻrtasidagi nizolar. Milliy nizolar. Nizo urugʻini sochmoq.

Musulmonqul oʻz gʻarazi yoʻlida orada yoʻq nizolarni qoʻzgʻab, kuyovi Sheralixonni oʻldirdi, gunohsiz Murodxonni shahid etdi. — A. Qodiriy, Oʻtgan kunlar

ot 1. Maʼlum ish, masala boʻyicha qonun-qoidalar, tartiblar majmui.

Saylov toʻgʻrisidagi nizom. Qilichbozlik nizomi.

U urush nizomini biladi. — S. Ayniy, Qullar

2. esk. ayn. Ustav.

Buxoro hukumatining harbiy nizomiga koʻra, buzilgan qurolni sarboz oʻz puliga tuzatishi lozim edi. — S. Ayniy, Doxunda

3. esk. Saf, qator.

Nizom tortmoq.

4. Nizom (erkaklar ismi).

sft. Nizoga sabab boʻladigan, ixtilof tugʻdiradigan, nifoq soladigan; janjalli.

Nizoli masalalarni tinch yoʻl bilan hal qilmoq.

Rahmon togʻa qishloq peshvolari bilan bogʻliq boʻlgan nizoli masalalarni hal etishga maslahat soʻrab kelganlarga ochiq bir narsa deya olmas, ularni insofga chaqirishdan boshqa yoʻl yoʻqday tuyulardi nazarida. — S. Karomatov, Bir tomchi qon.

Nizomiy Ganjaviy (taxallusi; asl ism-sharifi Abumuhammad Ilyos ibn Yusuf ibn Zakiy Muayyad) (1141—1209) — ozarbayjon shoiri va maʼrifatparvari.

sft. Janjalsiz, kelishuv bilan, tinchlik yoʻli bilan hal etiladigan masala.

ot ayn. Nizom 1, 2.