от 1. Кўз қараши; нигоҳ.
Назар солмоқ. Назар ташламоқ.
Йигитнинг совуқ назари Мадаминхўжани шошириб қўйди. — М. Исмоилий, Фарғона тонг отгунча
Ёʻловчи ёшларни бирма-бир назаридан ўтказаркан, атрофга аланглаб сўради: — Идораларингиз қаерда, йигитлар? — П. Турсун, Ўқитувчи
Бизнинг ишимизга ҳам бир назар солсангиз-чи. — П. Турсун, Ўқитувчи
Сидиқжон қип-қизариб кетди ва Зуннунхўжага гапирсангиз-чи! деган мазмунда назар ташлади. — А. Қаҳҳор, Қўшчинор чироқлари
Ўқитувчи лексиянинг ярмига келганда Ёʻлдошга эгилиб турган Ҳасанга назари тушди. — Ибохон, Улуғ кун
2. (фақат эгалик қўшимчаси билан) Воқеа, ҳодиса, кимса, нарса ва шу кабилар ҳақидаги субектив фикр, уларга бўлган қараш.
Хўжайинлар назарида хизматкор — ярим одам. — Ойбек, Танланган асарлар
Ишлар Элмуроднинг назарида кўнгилдагидек давом этаётганга ўхшар эди. — П. Турсун, Ўқитувчи
3. Назар (эркаклар исми).
- Назар(и)га (ёки назари) илмайди Менсимайди, писанд қилмайди. Мендай бир муштипар кампирни назарингизга илиб келибсиз, раҳмат. — С. Анорбоев, Оқсой
- Назарга олмоқ ёки назарда тутмоқ Эътиборга олмоқ, ҳисобга олмоқ. Ўша вақтдаги турмуш, ўша шароитдаги болаликни назарга олганда, уни кичик меҳнаткаш дейиш мумкин эди. А. Қаҳҳор, Олтин юлдуз.
- Назардан қолмоқ Эътибори ёʻқолмоқ, хайрихоҳлик, яхши муносабатдан айрилмоқ.
- Назари паст ёки паст назар
- Нуқтайи назар 1. Қарашлар системаси, воқеа ва ҳодисаларни англаш усули; консепсия. Масалага моддий манфаатдорлик нуқтайи назаридан ёндашмоқ;Иқлим нуқтайи назаридан Ўзбекистоннинг ўзига хос хусусиятлари бор.
- =дан қатъи назар Бирор нарсага боғлиқ бўлмаган ҳолда.